გოგა ბითაძემ სერბეთში სეზონი 12 ქულით დაასრულა... ახლა NBA

სერბეთის ლიგაში მეოთხედფინალში დაასრულა გამოსვლა გოგა ბითაძის "მეგა ბიმაქსმა". პლეი ოფის პირველივე ეტაპზე ბიმაქსელებს "პარტიზანი" შეხვდათ, რომელთანაც ჯერ სტუმრად დამარცხდნენ, ამჯერად შინ (79:93) და ჩემპიონობისთვის ბრძოლას გამოეთშნენ.

გოგამ მატჩი სასტარტო ხუთეულში დაიწყო, 24 წუთში 12 ქულა, 3 მოხსნა და თითო ჩაჭრა-დაფარება მოაგროვა. მის ანგარიშზე იყო 7-დან 4 ორქულიანი, 1-დან 1 სამიანი და 8-დან 5 საჯარიმო. "მეგაში" ყველაზე მეტი, 15 ქულა ჩააგდო ოგნენ იარამაზმა, ხოლო მატჩის ბომბარდირი პარტიზანელი ნოვიცა ველიჩკოვიჩი გახდა - 22 ქულა.

ასე და ამგვარად, ბითაძისთვის სერბული სეზონი დასრულებულია. მისი კანდიდატურა NBA-ს დრაფტზეა და წინასადრაფტო ვარჯიშებზე ამერიკაშია მიწვეული...

394
მკითხველის კომენტარები / 0 /
მსგავსი ამბები
რუბრიკის სხვა სიახლეები