გოგა ბითაძე ბუდუჩნოსტში გადავიდა და ევროლიგაში ითამაშებს

საქართველოს ნაკრების 20 წლის ცენტრი გოგა ბითაძე კარიერას მონტენეგროს "ბუდუჩნოსტში" განაგრძობს.

გოგამ სეზონი სერბულ "მეგა ბიმაქსთან" ერთად დაიწყო, თუმცა 20 დეკემბერს გავრცელებული ინფორმაციით იგი სერბულმა კლუბმა მონტენეგროში გაანათხოვრა.

ამის მიზეზი მარტივია - "ბუდუჩნოსტი" ევროლიგაზე თამაშობს და ამერიკელი სკაუტებისთვის, რომლებიც 212 სმ სიმაღლის ქართველ ცენტრს აკვირდებან, გაცილებით უკეთესი შესაფასებელი იქნება ევროლიგაზე მოთამაშე კალათბურთელი. აქამდე ხომ გოგა მხოლოდ ადრიატიკის ლიგასა და სერბეთის ჩემპიონატში აქვს ნათამაშები.

"ბუდუჩნოსტი" ევროლიგის წლევანდელ გათამაშებაში ბოლოსწინა მე-15 ადგილზეა, 13 მატჩიდან 3 აქვს მოგებული. ერთ-ერთი თორნიკე შენგელიას "ბასკონიასთან", რომელსაც 21 სამქულიანი(!) ჩაუგდო.

გუნდს წინა ხაზში აშკარა პრობლემები ჰქონდა და მათ მოგვარებას ბითაძის დამატებით აპირებს.

ყოველდღიური სპორტული გაზეთი "ლელო"
1136
მკითხველის კომენტარები / 0 /
მსგავსი ამბები
რუბრიკის სხვა სიახლეები
;