გოგა ბითაძის ტრიუმფი: ადრიატიკის ახალგაზრდული ლიგის MVP და ჩემპიონი

18 წლის გოგა ბითაძემ კიდევ ერთხელ დაამტკიცა, რომ საქართველოს ნაკრების ქომაგს მისი დიდი იმედი უნდა ჰქონდეს. სწორედ ბითაძის ეფექტური თამაშის წყალობით სერბულმა "მეგა ბიმაქსმა" ადრიატიკის ახალგაზრდული ლიგა დამაჯერებლად მოიგო.

ფინალში მისი მეტოქე ასევე სერბული "ცრვენა ზვეზდა" იყო, რომელიც "მეგამ" 82:60 დაამარცხა. გაცილებით მძიმე აღმოჩნდა ნახევარფინალში "იგოკეასთან" დაპირისპირება, რომელშიც ბითაძის გუნდმა 73:70 იმარჯვა.

"იგოკეასთან" გოგამ ეფექტური ორმაგი დუბლი მიითვალა: 34 წუთი, 17 ქულა (9/5 ორქულიანი, 11/7 საჯარიმო), 14 მოხსნა, 2 დაფარება, თითო ჩაჭრა-პასი.

ფინალში, "ცრვენა ზვეზდასთან" გოგას მონაგარი ასეთი იყო: 25 წუთი, 17 ქულა (9/7 ორქულიანი, 4/3 საჯარიმო), 8 მოხსნა, 2 დაფარება, თითო ჩაჭრა-პასი.

როგორც მოსალოდნელი იყო, 18 წლის ქართველი ადრიატიკის ახალგაზრდული ლიგის საუკეთესო კალათბურთელად დაასახელეს და სპეციალური ჯილდოც გადასცეს.

ყოველდღიური სპორტული გაზეთი "ლელო"
1324
მკითხველის კომენტარები / 0 /
მსგავსი ამბები
რუბრიკის სხვა სიახლეები
;