გოგოლაშვილის 23 გოლი!

უკვე მე-7 ტურია, მოედანს გიორგი გოგოლაშვილი უგოლოდ არ ტოვებს: ლატვიის პირველი ლიგის "სუპერნოვას" ტანმაღალი (190 სმ) 21 წლის ფორვარდის გუნდმა "პრეილუსს" 3:2 მოუგო. გოგოლაშვილმა 1 გაიტანა და ერთი საგოლე გადაცემაც გააკეთა, რითაც მატჩის საუკეთესო მოთამაშის ტიტული დაიმსახურა.

ხოლო მომდევნო თამაშში ქართველმა ფორვარდმა კონკურენტ "რეზეკნესთან" პოკერი გაახერხა და ანგარიშზე 2 საგოლე პასიც ჩაიწერა, შეხვედრა კი 6:2 დასრულდა და კვლავ მატჩის საუკეთესო მოთამაშედ დასახელდა.

სულ სეზონში ჩატარებულ 13 მატჩში გოგოლაშვილმა 23 ბურთი გაიტანა "სკონტოში" 9, ხოლო "სუპერნოვაში" -14, თანაც კონკურენტებზე 7 თამაშით ნაკლები ჩაატარა. ლიტვის პირველ ლიგაში კიდევ სამი ტურია სათამაშო და" სუპერნოვა" მესამე ადგილზეა და კონკურენტებს მცირედით ჩამორჩება, მაგრამ ფლეი-ოფში მონაწილეობა უკვე გაინაღდა.

უმაღლესის 2 საგზურისთვის პირველი ლიგის ოთხი საუკეთესო გუნდი იბრძვის და ფლეი ოფებში გადაწყდება, მომავალ წელს ლატვიის უმაღლესში ვინ ითამაშებს.

1035
მკითხველის კომენტარები / 0 /
მსგავსი ამბები
რუბრიკის სხვა სიახლეები