"გოლდენ გორი" ევროპა ლიგის გამარჯვებულია!

გორის ძიუდოს კლუბი "გოლდენ გორი" ევროპა ლიგის გამარჯვებულია! სულ ცოტა ხნის წინ დაარსებულმა ამ კლუბმა, რომელიც მთლიანად გურამ პაპიტაშვილის სახელობის ჭიდაობის კომპლექსური სპორტული სკოლის აღზრდილებითა დაკომპლექტებული, დღეს ტრიუმფალურად გაიარა ევროპა ლიგის ყველა ეტაპი და გამარჯვებულის წოდებაც დამსახურებულად მოიპოვა.

ბუქარესტში გამართულ ამ ჩემპიონატზე "გოლდენ გორი" შემდეგი შემადგენლობით ასპარეზობდა: ვაჟა მარგველაშვილი (66 კგ), ლაშა შავდათუაშვილი (73), ლუკა მაისურაძე (81), ბექა ღვინიაშვილი (90) და უშანგი კოკაური (მძიმე). მწვრთნელი - ნოდარ მეტრეველი.

გორელებმა პირველ შეხვედრაში გერმანული კლუბი "ლაიპციგი" დაამარცხეს, მომდევნო ეტაპზე იტალიურ "ფიამ ჯალეს" მოუგეს, ნახევარფინალში სერბეთის კლუბი "კინეზის ნისიც" სხვების გზას გაუყენეს და საჩემპიონო პაექრობაში საფრანგეთის "ბლან მენილს" სძლიეს.

ამ გამარჯვების შედეგად "გოლდენ გორმა" მოიპოვა უმაღლეს, ანუ ჩემპიონთა ლიგაში ასპარეზობის საგზური. შეგახსენებთ, რომ გუნდი გორის მუნიციპალიტეტის სპორტის განვითარების და ხელშეწყობის სააგენტოს შემადგენლობაშია, რომლის ხელმძღვანელიც ამავე სააგენტოს დირექტორი გიორგი პურიჭამიაშვილი გახლავთ.

1048
მკითხველის კომენტარები / 0 /
მსგავსი ამბები
რუბრიკის სხვა სიახლეები
;