მიკოლა კოვტალიუკი დილასათვის შეუტევს

უკრაინელი ფორვარდი მიკოლა კოვტალიუკი ამიერიდან გორის "დილასათვის" შეუტევს. როგორც გორულ კლუბში გვითხრეს, ტრანსფერი გადაწყვეტილია. კოვტალიუკი უკვე "დილასთან" ერთადაა.

საქართველოს ჩემპიონატის გულშემატკივარი კოვტალიუკს ძალიან კარგად იცნობს. ის თავდაპირველად ფოთის "კოლხეთში" გამოჩნდა და გუნდის აშკარა ლიდერი იყო. მან ზღვისპირელთა შემადგენლობაში არაერთი გოლი გაიტანა.

ამის შემდეგ კოვტალიუკის სამსახური თბილისის "დინამომ" ისურვა. მისი კარიერა საქართველოს ყველაზე ტიტულიან გუნდში ისე არ აეწყო, როგორც თავად ისურვებდა, მაგრამ ქუთაისის "ტორპედოსთან" გადამწყვეტ შეხვედრაში სწორედ უკრაინელმა ფორვარდმა მოიპოვა თავისი გუნდისათვის თერთმეტმეტრიანი შეხვედრის უკანასკნელ წამზე.

სხვადასხვა დროს 22 წლის მიკოლა კოვტალიუკს უთამაშია "პოლტავაში", სლოვაკურ "მიხალოვცეში", კიევის "არსენალში", "კოლოსში" და "კოლხეთში".

შევიტყვეთ ისიც, რომ ამ დროისათვის "დილა" ორ განელ ფეხბურთელს აკვირდება. ერთ–ერთი მათგანი იაია აბუბაქარი გახლავთ, რომელიც გასულ სეზონში განათხოვრებით იცავდა საფეხბურთო კლუბ "გორის" ღირსებას.

ჩვენი ინფორმაციით, "დილას" რიგებში სულ მალე კიდევ შვიდი ლეგიონერი გამოჩნდება. სამწვთნელო შტაბი მათ დააკვირდება და საბოლოო გადაწყვეტილებას ამ ფეხბურთელეთან დაკავშირებით ამის შემდეგ მიიღებს.

1983
მკითხველის კომენტარები / 0 /
მსგავსი ამბები
რუბრიკის სხვა სიახლეები
;