გორში გურამ გაბუნიას მემორიალი ჩატარდება

გორის თენგიზ ბურჯანაძის სახელობის სტადიონზე დღეს ჩატარდა გურამ გაბუნიას ხსოვნის მემორიალური ტურნირის კენჭისყრა.

ტურნირი ტრადიციულია და ყოველ წელს მასში ჩვენი ქვეყნის სხვდასხვა ქალაქების გუნდები იღებენ მონაწილეობას.

წლეულს შეჯიბრებაში 11 წლამდე ასაკის ფეხბურთელებით დაკომპლექტებული 8 გუნდი ჩაებმება, რომლებიც ორ ჯგუფში არიან გადანაწილებულნი. თითოულ ჯგუფში გამარჯვებულები ფინალში გაარკვევენ ჩემპიონის ვინაობას, ხოლო ჯგუფებში მეორე ადგილებზე გასული გუნდები ბრინჯაოს მედლებისთვის იბრძოლებენ.

I ჯგუფი: ,,გორი", ,,ლოკომოტივი" (თბილისი), ,,დინამო" (ბათუმი), ,,საბურთალო" (თბილისი)
II ჯგუფი: ,,განთიადი" (კასპი), ,,ივერია" (ხაშური), 35-1 სკოლა (თბილისი), ,,ვიკინგები" (თბილისი)

ჯგუფური ეტაპის შეხვედრები 7 დეკემბერს ჩატარდება, ხოლო ფინალური პაექრობა და მესამე ადგილისთვის მატჩი 8 დეკემბერს გაიმართება.

ჩემპიონ-პრიზიორებთან ერთად გაირკვევა ტურნირის საუკეთესო ფეხბურთელის, ბომბარდირის, მეკარის, მცველის, ნახევარმცველის ვინაობა.

ტურნირის ორგანიზატორია საფეხბურთო კლუბი ,,გორი". მხარდამჭერები - საქართველოს ფეხბურთის ფედერაცია, შიდა ქართლის რეგიონული ფეხბურთის ფედერაცია, ფეხბურთის განვითარების ფონდი, გორის მუნიციპალიტეტის მერია.

522
მკითხველის კომენტარები / 0 /
მსგავსი ამბები
რუბრიკის სხვა სიახლეები
;