გორში თენგიზ ბურჯანაძის ხსოვნის მემორიალური ტურნირი დაიწყო

გორში 8 სექტემბერს დაიწყო და 11 სექტემბერს დასრულდება ცნობილი გორელი ფეხბურთელის თენგიზ ბურჯანაძის ხსოვნის მემორიალური ტურნირი 2006–2007 წწ დაბადებულებს შორის.

ტურნირი ტრადიციულია და როგორც გასულ წლებში, ამჯერადაც ჩვენი ქვეყნის არაერთი ქალაქის გუნდები იღებენ მასში მონაწილეობას. წლევანდელ შეჯიბრებაზე, რომელიც 8–დან 11 სექტემბრამდე გაიმართება გუნდები საწყის ეტაპზე ორ ჯგუფში არიან გადანაწილებულნი.

A ჯგუფი: ,,დილა" გორი, ,,ავაზა" თბილისი, ,,ლოკომოტივი" თბილისი, ,,ატეიტისი" ვილნიუსი
B ჯგუფი: ,,დინამო" ბათუმი, ,,რუსთავი", ,,დინამო" თბილისი, ,,საბურთალო"

8 სექტემბერს პირველი საშეჯიბრო დღის მატჩები გურამ გაბუნიას სახელობის არენასა და თენგიზ ბურჯანაძის სახელობის სტადიონზე ჩატარდა. თბილისის ,,დინამომ" ,,რუსთავი" დაამარცხა - 3:0, ,,საბურთალომ" ბათუმის ,,დინამო" – 2:0, გორის ,,დილამ" სძლია ვილნიუსის ,,ატეიტისს" 4:0, ყველაზე დაძაბული კი ,,ლოკომოტივისა" და ,,ავაზას" დაპირისპირება გამოდგა, რომელშიც ფრე 2:2 დაფიქსირდა.

10 სექტემბრამდე გუნდები ჯგუფური ეტაპის საუკეთესოებს გაარკვევენ, 11 სექტემბერს კი ფინალურ ბლოკში გამოვლინდება ტურნირის გამარჯვებული და მეორე და მესამე ადგილის მფლობელი გუნდები.

გამოვლინდებიან აგრეთვე ჩემპიონატის საუკეთესო ფეხბურთელები სხვადასხვა ნომინაციაში.

ტურნირის ორგანიზატორები არიან საფეხბურთო კლუბი ,,გორი", საქართველოს ფეხბურთის ფედერაცია, ქართული ფეხბურთის განვითარების ფონდი და გორის მუნიციპალიტეტის მერია.

322
მკითხველის კომენტარები / 0 /
მსგავსი ამბები
რუბრიკის სხვა სიახლეები
;