გოშაძე დინამოელი აღარ არის,- 'რუსთავი' ძლიერდება

თბილისის "დინამოს" მიერ გავრცელებული ოფიციალური ინფორმაციის თანახმად, გუნდის რიგები დატოვა 20 წლის მეკარემ ოთარ გოშაძემ. ის "საბურთალოს" დაუბრუნდა და ამ კლუბში გადაწყვეტენ, როგორი იქნება მისი მომავალი.

გოშაძეს სხვადასხვა დროს "საბურთალოსა" და "ქასიმფაშაში" უთამაშია. იცავდა საქართველოს ასაკობრივი ნაკრებების ღირსებას.

ვარლამ კილასონიას გაწვრთნილმა "რუსთავმა" 3 ფეხბურთელი დაიბრუნა, რომელიც განათხოვრებული ჰყავდა. მთავარი ამბავი გუნდში დათა სიჭინავას ხელახლა გამოჩენაა. რუსთავული კლუბი უმაღლეს ლიგაში რომ აღზევდა, ეს სიჭინავას დიდი დამსახურება იყო. ბოლოს ის იჯარით მარტვილის "მერანში" თამაშობდა.

ასევე "რუსთავის" ღირსებას დაიცავენ უკანახაზელი ვარლამ კილასონია-უმცროსი და ნახევარმცველი ავთანდილ გუჯაბიძე. ორივე ეს მოთამაშე "შევარდენში" იყო განათხოვრებული.

1517
მკითხველის კომენტარები / 0 /
მსგავსი ამბები
რუბრიკის სხვა სიახლეები
;