გრიზმანი ბარსაში, იოზილიც?

"ატლეტიკო" და "მანჩესტერ იუნაიტედი" შეურიგდნენ იმას, რომ მადრიდული კლუბის ერთ-ერთი ლიდერი ანტუან გრიზმანი მომავალ ზაფხულს "ბარსელონაში" გადაბარგდება.

პრემიერლიგის გრანდი 26 წლის ფორვარდით სერიოზულად იყო დაინტერესებული, მაგრამ "ათლეტების" სამზარეულოდან "იუნაიტედისთვის" არასასიამოვნო ხმები ჟონავს - "ბარსელონასთან" ყველაფერი მოგვარებულია და კატალონიურ კლუბს ეს ტრანსფერი 100 მილიონი ევრო დაუჯდებაო...

ვნახოთ, მანამდე კი "ბარსას" კიდევ ერთ ფეხბურთელს უკავშირებენ. ლაპარაკია მესუთ იოზილზე, ოღონდ, ეს ტრანსფერი, შეიძლება, ამ ზამთარსვე შედგეს.

მიუხედავად იმისა, რომ გერმანიის ნაკრების ერთ-ერთ ლიდერს "არსენალთან" კონტრაქტი მომავალი წლის ზაფხულში ეწურება და არსენ ვენგერიც დაჟინებით ამტკიცებს, მესუთი არსადაც არ მიდისო, ფეხბურთელს უფლება აქვს, ხელშეკრულების ვადის დასრულებამდე 6 თვით ადრე ნებისმიერ კლუბს დაელაპარაკოს.

ირწმუნებიან, რომ 29 წლის იოზილს ამ დროისთვის, "ბარსელონას" წარმომადგენლების გარდა, არავისთან უკონტაქტია. ამიტომ, ერთია, რას ამბობს ვენგერი, ხოლო მეორე ის, რომ თუ ფეხბურთელს "ბარსაში" გადასვლის შანსი აქვს, მას ხელიდან არ გაუშვებს

ყოველდღიური სპორტული გაზეთი "ლელო"
1947
მკითხველის კომენტარები / 0 /
მსგავსი ამბები
რუბრიკის სხვა სიახლეები
;