დავეთანხმოთ თუ არა? დამოუკიდებელი საქართველოს სიმბოლური ნაკრები

ჩვენს საიტზე 12 დეკემბრიდან 26-ის ჩათვლით მიმდინარეობდა გამოკითხვა, რომელსაც უნდა გამოევლინა დამოუკიდებელი საქართველოს სიმბოლური ნაკრები.

გამოკითხვაში 5089 ადამიანმა მიიღო მონაწილეობა. თითოეულს საშუალება ჰქონდა საკუთარი შეხედულებისამებრ შეერჩია საქართველოს სიმბოლური ნაკრები 1990 წლიდან 2018-მდე.

გასათვალისწინებელი იყო ერთი ნიუანსი - მკითხველს პოზიციების მიხედვით უნდა დაელაგებინა საუკეთესოები. სწორედ ამიტომაა, რომ საბა კვირკველიაზე ნაკლები ხმის მიმღები კახა კალაძე სიმბოლურში მოხვდა. კახა ხომ მარცხენა ნახევარმცველად თამაშობდა (თუმცა ცენტრიც იყო) და სიმბოლურ ნაკრებშიც მარცხნივ მოხვდა.

შესაძლოა გაგიკვირდეთ კიდეც: კალაძეს ხმებით კვირკველიამ აჯობა? კახა ხომ "მილანთან" ერთად ორჯერ გახდა ჩემპიონთა თასის მფლობელი. საბაც ძალიან კარგი მცველია, მაგრამ ჯერ მისაღწევი აქვს იმდენი, რამდენსაც კალაძემ მიაღწია.

ასეთ შემთხვევაში გასათვალისწინებელია ისიც, რომ საბა დღევანდელი ნაკრების წევრია, ადამიანის გონებაში კი ძველ ამბებს ახლები მუდმივად ფარავენ. იმასაც უნდა მივაქციოთ ყურადღება, რომ იმ თაობის გულშემატკივრებთან შედარებით, რომლებსაც ნათლად გვახსოვს 1990-იანი წლების ნაკრების თამაშები, დღევანდელ ახალგაზრდა ქომაგს გაცილებით უადვილდება კომპიუტერთან ურთიერთობა.
ეს მეკარეების შერჩევიდანაც ჩანს. გიორგი ლორიამ თითქმის ხმების ნახევარი მიიღო. უსამართლოდ? შესაძლოა, 45 პროცენტი ბევრად მოგვეჩვენოს, მაგრამ საქმეს ცივი გონებით რომ შევხედოთ, იგი საქართველოს ნაკრების ყველა დროის ერთ-ერთი საუკეთესო მეკარეა და სიმბოლურ ნაკრებში მოხვედრა სულაც არ არის გასაკვირი.

ნახევარდაცვას კიდევ ერთხელ გადახედეთ: ასათიანი, კობიაშვილი, ქეცბაია, ქინქლაძე! ასეთ ნახევარდაცვას ევროპის ნებისმიერი გრანდის მწვრთნელი სიამოვნებით დააყენებს ძირითადში.

...ისევე როგორც შოთა არველაძისა და გიორგი ჩაკვეტაძის დუეტს თავდასხმაში. თუმცა აქაც ჩნდება შეკითხვა - ჩაკვეტაძე დემეტრაძესა და ჯანაშიაზე წინ უნდა იდგეს? უნდა იდგეს! - ასე გადაწყვიტა გულშემატკივარმა.
ვინ უნდა იყოს ნაკრების მწვრთნელი? ჩივაძე, ყიფიანი, ტოპმიოლერი, ცხადაძე, ქეცბაია, ვაისი... მწვრთნელის შერჩევა თქვენთვის მოგვინდია.

აქვე აუცილებელია სათადარიგოთა ნაკრების შედგენა, რომელიც სერიოზული წინააღმდეგობას გაუწევდა პირველ ნაკრებს:
მეკარე: აკაკი დევაძე; მცველები: საბა კვირკველია, მურთაზ შელია, ზურაბ ხიზანიშვილი, გიორგი ნავალოვსკი; ნახევარმცველები: ჯაბა კანკავა, ჯანო ანანიძე, გიორგი ნემსაძე, გოჩა ჯამარაული; თავდამსხმელები: გიორგი დემეტრაძე, ალექსანდრე იაშვილი.

მეკარე
45.33% გიორგი ლორია
25.57% აკაკი დევაძე
9.57% ნუკრი რევიშვილი
6.15% ნიკოლოზ ტოგონიძე
5.62% გიორგი ლომაია
5.25% ირაკლი ზოიძე
2.5% დავით გვარამაძე

მცველი
12.64% ოთარ კაკაბაძე
11.95% კახა ცხადაძე
10.46% გურამ კაშია
9.68% საბა კვირკველია
9.66% კახა კალაძე
8.02% ზურაბ ხიზანიშვილი
7.94% გიორგი ნავალოვსკი
6.25% მურთაზ შელია
5.23% დავით კვირკველია
3.89% გოგიტა გოგუა
3.74% ალექსანდრე ამისულაშვილი
3.61% გიორგი ჩიხრაძე
2.59% გიორგი შაშიაშვილი
2.5% ზაზა რევიშვილი
1.84% უჩა ლობჟანიძე

ნახევარმცველი
19.31 % ლევან კობიაშვილი
17.48 % გიორგი ქინქლაძე
14.12 % თემურ ქეცბაია
9.17 % მალხაზ ასათიანი
8.6 % ჯაბა კანკავა
5.88 % ჯანო ანანიძე
5.54 % გიორგი ნემსაძე
4.5 % გოჩა ჯამარაული
4.45 % თორნიკე ოქრიაშვილი
2.47 % ლევან ცქიტიშვილი
2.03 % კახა გოგიჩაიშვილი
1.66 % გოგა გახოკიძე
1.09 % ვაკო გვილია
1 % დევით მუჯირი
0.91 % ნიკოლოზ კვეკვესკირი
0.64 % დავით სირაძე
0.59 % გელა ინალიშვილი
0.54 % ლადო ბურდული

თავდამსხმელი
33.3 % გიორგი ჩაკვეტაძე
33.03 % შოთა არველაძე
10.08 % გიორგი დემეტრაძე
5.46 % ალექსანდრე იაშვილი
4.56 % ზაზა ჯანაშია
4.26 % არჩილ არველაძე
2.51 % ვაკო ყაზაიშვილი
2.36 % მიხეილ აშვეთია
2.27 % ლევან მჭედლიძე
2.18 % მიხეილ ყაველაშვილი

6395
მკითხველის კომენტარები / 16 /
კრომველი
0
ტოგონიძეზე ეფექტური და წარმატებული მეკარე საქართველოს უახლეს ისტორიაში არ ყოლია,,, მიადევნეთ თვალი მის მიერ ნათამაშები მატჩების ანგარიშებს და თავად მიხვდებით რისი თქმაც მინდა,,,
რურურე
0
განსაკუთრებით ტოგონიძის თამაში აღსანიშნავია სახლში ნორვეგიასთან 1-4 ( რა გოლები ჭამა )
09:12 2019.05.30
aburjga
1
ძალიან უვარგისი გამოკითხვა იყო! მაგალითად, თავდასხმაში შოთა არველაძესთან ერთად ჯანაშია არაფრით დამაყენებინა! და სხვა მსგავსი სიუაციები იუყო კიდევ ყველა ადგილზე!
მსგავსი ამბები
რუბრიკის სხვა სიახლეები
;