პოსტ კორონავირუსული სიტუაცია: როდის გაიხსნება აუზები?

საქართველოში კორონავირუსის გამო ყოველგვარი აქტივობა შეწყვეტილია. თუმცა ეტაპობრივად შეზღუდვები იხსნება. სპორტის სამყარო მოუთმენლად ელის მთავრობის სიტყვას, როდის ექნებათ სპორტსმენებს სტადიონებზე, დარბაზებში თუ აუზებზე სესვლის უფლება.

აუზებთან დაკავშირებით ვესაუბრეთ წყალბურთის კლუბ "იმედის" მწვრთნელ დავით ხავთასს, რომელიც მამუკა ნიაზაშვილთან ერთად მოღვაწეობს.

- ჯერ ზოგად სიტუაციაზე ვთქვათ.

- ქვეყანაში კორონა ვირუსის გავრცელებამ დაღი დაასვა ყველაფერს, განსაკუთრებულად ქართულ სპორტს. ყველა ჩემპიონატი შეჩერდა. ოლიმპიური თამაშები, ტოკიო 2020 მომავალი წლისათვის გადაიდო. სპორტსმენები თვითიზოლაციაში ვარჯიშობენ. ისინი მწვრთნელის მეთვალყურეობის ქვეშ უნდა მოემზადნონ.

- როდის იგეგმება აუზების გახსნა და ვარჯიშების განახლება?

- ვემორჩილებით ექიმების აზრს და მთავრობის გადაწყვეტილებით მეექვსე ეტაპია აუზებისა და ფიტნეს დარბაზების გახსნა. ეს ეტაპი ივლისში უწევს. მომენატრა ჩემი აუზი, ჩემი გუნდი ბავშვების ჟრიამული. ველოდებით, როდის აღდგება და დავუბრუნდებით ჩვენს საქმიანობას. უკვე აუზი მესიზმრება ერთი სული მაქვს როდის დავიწყებთ მუშაობას.

- რა მნიშვნელობა აქვს აუზების გახსნას ჯანმრთელობისთვის და საერთოდ სპორტისთვის

- ამ პანდემიამ ადამიანები სახლში ჩაკეტა. უმოძრაობისგან წონაში მოიმატეს, ვარჯიში და აუზი მისწრებაა ყველა ადამიანისათვის, ყველანაირი კუნთოვანი სისტემა ჩართულია წყალში ვარჯიშით და უამრავ დაავადებას შველის. სპორტსმენისათვის ფორმაში ყოფნა არის უპირველესი ამოცანა. კარგად მოგეხსენებათ რომ ეროვნული ნაკრები წყალბურთში მეოთხეჯერ გავიდა ევროპაზე და მეათე ადგილზე დაასრულა შეჯიბრება. ეს დიდი მიღწევაა ქვეყნისათვის. მარტში უნდა ეთამაშა საოლიმპიადო სალიცენზიო ტურნირი, ეპიდემიამ ეს ყველაფერი გადადო, მაგრამ იმედი მაქვს, პანდემიის გადავლის შემდეგ წყალბურთიც და საერთოდ სპორტიც, მალე ჩადგება ფორმაში.

463
მკითხველის კომენტარები / 0 /
მსგავსი ამბები
რუბრიკის სხვა სიახლეები
;