დავიწყეთ - ბორჯღალოსნები ბელგიისთვის მზადებას შეუდგნენ

* ნაკრების გაფართოებული სია 36-დან 28-მდე შემცირდა.
* დღეს იმ მოთამაშეთა გვარებს შევიტყობთ, რომლებიც 10 თებერვალს ბელგიას დაუპირისპირდებიან.
* გუშინ საქართველოს ნაკრებმა მზადება დაიწყო.
* ტრავმა მოიშუშა და ნაკრებს დაუბრუნდა სოსო მათიაშვილი

საქართველოს ნაკრები რაგბი ევროპის ჩემპიონატის (ყოფილი ერთა თასი) პირველ მატჩს 10 თებერვალს, ქუთაისში ბელგიის ნაკრების წინააღმდეგ გამართავს. ერთი კვირის თავზე კი სტუმრად დაუპირისპირდება გერმანიის ეროვნულ გუნდს.

ამ ორი მატჩისთვის "ბორჯღალოსნების" ახალზელანდიელმა თავკაცმა მილტონ ჰეიგმა 36 მორაგბე შეარჩია. თუმცა, მერე ვითარება შეიცვალა, რამდენიმე მორაგბე დაშავდა და გაფართოებული შემადგენლობა 28 მორაგბემდე შემცირდა.

იმ მოთამაშეების სიას, ვინც ბელგიისა და გერმანიის ნაკრებებს დაუპირისპირდებიან, საქართველოს რაგბი კავშირი დღეს გამოაქვეყნებს.

ტრავმების გამო გაფართოებულ შემადგენლობაში აღარ არიან: ბექა გორგაძე (მონ დე მარსანი), ბექა ბიწაძე (ნარბონი), დავით ქუბრიაშვილი (მონპელიე) და გიორგი ჩხაიძე (დიჟონი).

ტრავმა მოიშუშა, თუმცა ეროვნულ გუნდში არ გამოუძახიათ სოსო ბეკოშვილი (ბრივი). ამ ეტაპზე გუნდში არ არის "ანგულემის" კაპიტანი, მესამეხაზელი შალვა სუთიაშვილი და "აჟენის" უკანახაზელი თამაზ მჭედლიძე.

განაცხადში არ არის ასევე შერკინების კვაჭი ჯაბა ბრეგვაძე, რომელმაც ზე რაგბიში მოასპარეზე "სანვულვზთან" გააფორმა ხელშეკრულება და იაპონიაში გაემგზავრა.

ახლახან დაშავდა შერკინების ბურჯი ლაშა ტაბიძე (ბორდო), რომელიც გიორგი მელიქიძემ (სტად ფრანსე) შეცვალა. "ბორჯღალოსნები" არასრული შემადგენლობით ტრადიციულად "შევარდენის სანაკრებო ბაზაზე" შეიკრიბნენ.

ფრანგული "მონპელიეს" ქართველი ლეგონერები მიხეილ ნარიაშვილი და კონსტანტინე მიქაუტაძე გუნდს დღეს შეუერთდებიან.

შეგახსენებთ, რომ საქართველოს ნაკრები ბელგიის ეროვნულ გუნდს შაბათს, 10 თებერვალს ქუთაისში, "აია არენაზე" ეთამაშება. მატჩი 14 საათზე დაიწყება.
საქართველოს ნაკრები

პირველი ხაზი: მიხეილ ნარიაშვილი (მონპელიე), კარლენ ასიეშვილი (ბრივი), ზურაბ ჟვანია (სტად ფრანსე), თორნიკე მატარაძე (ლიონი), შალვა მამუკაშვილი (ლოკომოტივი), ბადრი ალხაზაშვილი (ტულონი), გიორგი ჭყოიძე (ჯიქი), ლევან ჩილაჩავა (ტულონი), ანტონ ფეიქრიშვილი (კარდიფი), გიორგი მელიქიძე (სტად ფრანსე);

მეორე ხაზი: გიორგი ნემსაძე (ბრისტოლი), კონსტანტინე მიქაუტაძე (მონპელიე), ნოდარ ჭეიშვილი (შამბერი);

მესამე ხაზი: ვიქტორ კოლელიშვილი (კლერმონი), ლაშა ლომიძე (ლონდონ აირიში), გიორგი თხილაიშვილი (ბათუმი), ოთარ გიორგაძე (კლერმონი), გიორგი ცუცქირიძე (ორიაკი), მიხეილ გაჩეჩილაძე (ენისეი), გურამ შენგელია (ჯიქი);

#9: გელა აფრასიძე (მონპელიე), ვასილ ლობჟანიძე (ბრივი), გიორგი ბეგაძე (ლოკომოტივი);
#10: ლაშა ხმალაძე (ბათუმი), რეზო ჯინჭველაშვილი (არმაზი), ლაშა მალაღურაძე (კრასნი იარი);
#12-13: მერაბ შარიქაძე (ორიაკი), დავით კაჭარავა (ენისეი), გიორგი კოშაძე (ხარები), გიორგი კვესელაძე (არმაზი);
#11-14: ანზორ სიჭინავა (აკადემია), გიორგი ფრუიძე (კრასნი იარი), ალექსანდრე თოდუა (ლელო);
#15: მერაბ კვირიკაშვილი (ლელო), სოსო მათიაშვილი (კრასნი იარი), ბექა წიკლაური (ლოკომოტივი).

10 თებერვალი
საქართველი-ბელგია

17 თებერვალი
გერმანია-საქართველო

3 მარტი
საქართველო-ესპანეთი

10 მარტი
რუსეთი-საქართველო

18 მარტი
საქართველო-რუმინეთი

ყოველდღიური სპორტული გაზეთი "ლელო"
671
მკითხველის კომენტარები / 0 /
მსგავსი ამბები
რუბრიკის სხვა სიახლეები