დაიმახსოვრეთ ეს ბიჭი! თუ სადმე სამართალია, თბილისის დინამოელმა გიორგი აბუაშვილმა დიდი ფეხბურთი უნდა ითამაშოს!..

"ვიტ ჯორჯიასთან" მატჩი თბილისის "დინამოსთვის" ვერ იყო რაიმეთი გამორჩეული, თუ არ ჩავთვლით ლევან შენგელიას ბრწინვალე გოლს, რომლითაც მეტოქეს ბოლოსღა გამოსტაცა გამარჯვება...

ამ შეხვედრაში კიდევ მოხდა ერთი ისეთი რამ, რაც წლების შემდეგ შეიძლება სულ სხვანაირი რიხით გავიხსენოთ - "დინამოს" შემადგენლობაში ითამაშა 16 წლის შემტევმა გიორგი აბუაშვილმა.

არახალია, რომ "დინამოს" აკადემია კარგ ბიჭებს ზრდის. გიორგი ჩაკვეტაძის მაგალითი სახეზეა. საქართველოს ნაკრების ლიდერი იქეთ იყოს და, აკადემიის აღსაზრდელები ხშირად ჩნდებიან ხოლმე პირველ გუნდში...

რამ გადაგვაწყვეტინა აბუაშვილზე დაწერა? რაღაც სხვანაირი, ძალიან დიდი ნიჭი და საფეხბურთო ინტელექტი ჩანს ამ ბიჭის თამაშში. რა თქმა უნდა, ყოველივე ამას ჯერ განვითარება და დახვეწა სჭირდება, მაგრამ მთავარია, რომ ნიჭი არის.

და თუ სადმე სამართალია, ამ ბიჭმა დიდი ფეხბურთი უნდა ითამაშოს. უნდა ითამაშოს, თუ ბევრს იშრომებს და ფეხბურთი მისთვის მთავარი ღირებულება იქნება. სხვაფრივ კი, რა ვთქვათ - ვინ იტყვის, საქართველოში ნიჭიერი ბიჭები აღარ იზრდებიანო? თუ სკეპტიციზმი გჭამთ, გიორგი აბუაშვილის თამაში ნახეთ!..

ყოველდღიური სპორტული გაზეთი "ლელო"
7365
მკითხველის კომენტარები / 4 /
ბუბა
1
ბავშვი არ დაბადებულა და უკვე აბრაამს არქმევდნენო
კ ო მ ბ ლ ე
0
დაიმახსოვრეთ ეს ბიჭი კარგად,
თუ სიზარმაცემ არ აჯობა,
კაცი დადგება,
თან რა კაცი, მაგარი კაცი!!!
მსგავსი ამბები
რუბრიკის სხვა სიახლეები
;