დაკარგული მილიონები და ბეილის ოთხი კვირა

ესპანეთის ჩემპიონატის მე-18 ტურში, “რეალისა” და “სოსიედადის” მატჩს “სანტიაგო ბერნაბეუზე” 53 412 მაყურებელი დაესწრო. ეს ყველაზე დაბალი მაჩვენებელია “სამეფო კლუბისთვის” მიმდინარე სეზონში.

როგორც ჟურნალისტი დერმოტ კორიგანი ამბობს, “სოსიედადთან” მატჩში დაახლოებით 35 ათასი ცარიელი ადგილი იყო, რაც ფულად ექვივალენტში შეადგენს 2 მილიონს.

“რეალი” ბოლო ოთხი საშინაო მატჩია ვერ ახერხებს 60 ათასი გულშემატკივრის შეგროვებას. ამ სეზონში საშუალო დასწრება შეადგენს 63 747 ადამიანს, რაც შარშანდელთან შედარებით ორი ათასით ნაკლებია.

ცნობისთვის, “სანტიაგო ბერნაბეუ” 81 ათას მაყურებელს იტევს.

ამასობაში, გარეთ ბეილმა მორიგი ტრავმა მიიღო. “რეალისა” და უელსის ნაკრების შემტევი “ვილიარეალთან” გამოტოვებულ მატჩში (2:2) დაშავდა და თამაშის გაგრძელება ვერ შეძლო. ბეილი პირველი ტაიმის შემდეგ, ისკომ შეცვალა.

სამედიცინო შემოწმებამ აჩვენა, რომ ტრავმა იმაზე სერიოზულია, ვიდრე თავდაპირველად ექიმებს ეგონათ. უელსელს მარცხენა ფეხის კუნთი აქვს დაზიანებული და მის აღდგენას ოთხი კვირა დასჭირდება. თავდაპირველი ვარაუდით, ბეილს 10-15 დღე უნდა გამოეტოვებინა.

სხვათა შორის, ეს არის უელსელის 22-ე ტრავმა მადრიდულ კლუბში თამაშისას, აქედან 13-ჯერ მან ვადაზე ადრე დატოვა მინდორი. ჯამში, ბეილს “რეალში” 84 მატჩი აქვს გამოტოვებული.

ყოველდღიური სპორტული გაზეთი "ლელო"
878
მკითხველის კომენტარები / 0 /
მსგავსი ამბები
რუბრიკის სხვა სიახლეები
;