დანაკლისი გიბრალტართან: ოქრიაშვილი, კაშია, ლობჟანიძე და გვილია

საქართველოს ნაკრები ევროპის 2020 წლის ჩემპიონატის საკვალიფიკაციო ეტაპის მე-7 მატჩს სტუმრად გიბრალტართან გამართავს. ვლადიმირ ვაისის გუნდი ჯერ ესპანეთის ქალაქ მალაგაში ჩავიდა, ხოლო შემდეგ გიბრალტარში გადაინაცვლა.

ირლანდიასთან მატჩში მიღებული ტრავმის გამო გუნდს თორნიკე ოქრიაშვილი გამოაკლდა, გამგზავრების წინ გამართულ ბოლო ვარჯიშზე კი საბა ლობჟანიძე დაშავდა და ნაკრებს ვერ გაჰყვა, ხოლო გურამ კაშია ეროვნულ გუნდთან ერთად ოჯახური მდგომარეობის გამო ვერ იქნება. უფრო ადრე გაირკვა, რომ ტრავმის გამო ვერ ითამაშებდა ვაკო გვილიაც.

გიბრალტარისა და საქართველოს ნაკრებთა მატჩი 15 ოქტომბერს ჩვენი დროით 22:45 საათზე დაიწყება.

1330
მკითხველის კომენტარები / 0 /
მსგავსი ამბები
რუბრიკის სხვა სიახლეები
;