დანია-საქართველო 5:1... მსაჯმა დანიელებს გოლი აჩუქა, ჩვენ ბურთი და მოგება!

დანია (4-3-1-2): შმეიხელი - ანკერსენი, კიაერი, ა. კრისტენსენი, სტრიგერ ლარსენი - ჰოიბერგი, ერიქსენი, დელენი - სკოვი - პოულსენი, დოლბერგი. 

საქართველო (4-2-3-1): ლორია - კაკაბაძე, კაშია, გრიგალავა, ნავალოვსკი - კანკავა, კვეკვესკირი - გვილია, პარუნაშვილი, კიტეიშვილი - ლობჟანიძე.

საქართველოს ნაკრებისა და დანიის შეხვედრა კოპანჰაგენში უხვგოლიანობით დაიწყო. მე-14 წუთზე კუთხურიდან ჩაწოდების შემდეგ ბურთი ჩვენს საჯარიმოში დოლბერგს მიუვიდა და იოლად მოახერხა კარში გადაგზავნა - 1:0 დანიის ნაკრების სასარგებლოდ.

25-ე წუთზე საქართველოს ნაკრებმა იშვიათი, მაგრამ სწრაფი კონტრიერიში განახორციელა, ვაკო გვილიამ ზუსტი პასით მეკარესთან პირისპირ გაიყვანა საბა ლობჟანიძე და 1:1!

გავიდა სულ რაღაც 5 წუთი და მსაჯებმა არცთუ დამაჯერებლად გადაწყვიტეს - ჯაბა კანკავამ საჯარიმოში წესები დაარღვიაო და პენალტი დანიშნეს. ერიკსენის დარტყმულს გიორგი ლორია კი შეწვდა, მაგრამ ვერ უკუაგდო და დანია კვლავ დაწინაურდა - 2:1.

მეორე ტაიმში კიდევ ერთხელ დავრწმუნდით, რომ მნიშვნელოვან ეპიზოდებში გამეორება აუცილებელია. მსაჯმა, რომელსაც დანიის ნაკრები უფრო ესიმპათიურება, მეკარე ლორიაზე ბლოკირება არ დააფიქსირა, არადა ჰაერში ამხტარ მეკარეს დანიელი ზურგით დაეჯახა და გიორგიც ბურთს ვერ მისწვდა.

შედეგად, ბურთი დოლბერგს მიუვიდა, რომელმაც ანგარიშში სხვაობა ორამდე გაზარდა - 3:1. განვმეორდებით, ეს იყო მასპინძლების დაუმსახურებელი გოლი. ჩვენ კი განვმეორდებით, მაგრამ მთავარი მაინც ვიდეოგამეორებაა, რომელიც ამ შესარჩევზე არ გამოიყენება.

73-ე წუთზე დანიამ ბურთი კარგად დაიჭირა, საჯარიმოს ხაზიდან დარტყმული მეკარე ლორიამ კი მოიგერია, მაგრამ დასწრებაზე პოულსენმა ითამაშა და მასპინძელთა მეოთხე გოლი გაიტანა - 4:1.

არბიტრმა მატჩს სამი წუთი დაამატა. სწორედ კომპენსირებული დროის მესამე წუთზე გაიტანა ბრაითვაითმა და დანიამ დიდი სხვაობით გაიმარჯვა - 5:1.

6982
მკითხველის კომენტარები / 7 /
status quo
0
რა ქართულია განვმეორდებით? პრეტენზიულ ჟურნალისტს ასეთი რუსული კლიშეებით წერა არ ეკადრება.
ჟორიკა
0
დანია რომ 5 :1 ამოგტენის სერიოზული გუნდები რას გვიზამენ ევროპაზე ან მსოფლიოზე 60ანი და 70იანი წლები მახსენდება ჯობია ჯერ ვაჟკაცობა ვასწავლოთ მერე პატრიოტიზმი და მერე ტაქტიკა და ბურთის დამორჩილება
მსგავსი ამბები
რუბრიკის სხვა სიახლეები
;