დანიელე დე როსი: ვისაც რითი შეგვიძლია, იმით უნდა გამოვადგეთ ქვეყანას

34 წლის დანიელე დე როსი, ვინც ამჟამად "რომას"კაპიტნობს, არ გამორიცხავს, რომ "სკუადრა აძურაში" თამაში გააგრძელოს.

იტალიის ეროვნული ნაკრები მან მას შემდეგ დატოვა, რაც იტალიელები მსოფლიოს ჩემპიონატზე ვერ მოხვდნენ.

"მას შემდეგ, რაც იტალიის ნაკრები ვერ მოხვდა მსოფლიოს ჩემპიონატზე, ვიფიქრე, რომ ყველაფერი დასრულდა. "სკუადრა აძურას" მალე ეყოლება ახალი მთავარი მწვრთნელი.

იტალიის ნაკრები ჩემთვის ყოველთვის იყო ნამდვილი ოჯახი. ის ყველაზე ძვირფასი გუნდია ჩემთვის "რომასთან" ერთად. ამიტომ, თუ მე დავჭირდები ახალ მწვრთნელს, მზად ვარ, ახალი ნაკრების ფორმირებასა და წარმატებაში ჩემი წვლილი შევიტანო.

ეს არის დიდი პასუხისმგებლობა და ვისაც რითი შეგვიძლია, იმით უნდა გამოვადგეთ ქვეყანას", - თქვა დე როსიმ.

ყოველდღიური სპორტული გაზეთი "ლელო"
979
მკითხველის კომენტარები / 0 /
მსგავსი ამბები
რუბრიკის სხვა სიახლეები
;