შფოთი კატალონიაში! ელ კლასიკოს ბარსელონიდან მადრიდში გადაიტანენ?

ლა ლიგის კალენდრის მიხედვით, 26 ოქტომბერს "ელ კლასიკოა" - "ბარსელონამ" "რეალს" უნდა უმასპინძლოს. AS-ის ინფორმაციით, მატჩი შეიძლება მადრიდში გადაიტანონ ბარსელონაში მიმდინარე საპროტესტო აქციებისა და პოლიტიკური დაძაბულობის გამო.

არსებობს საფრთხე, რომ ისტორიული მტრების საფეხბურთო დაპირისპირება კიდევ უფრო დაძაბავს სიტუაციას ქვეყანაში. ლა ლიგის ხელმძღვანელობამ "რეალსა" და "ბარსელონას" შესაბამისიი წერილები დაუგზავნა, სადაც შეეცადა, აეხსნა "ელ კლასიკოს" ბარსელონიდან მადრიდში გადატანის მიზანშეწონილება.

ოღონდ, ლაპარაკია იმაზე, რომ გუნდებმა ჯერ მადრიდში ითამაშონ, ხოლო მეორე წრის მატჩი ბარსელონაში გაიმართოს. ორივე კლუბი ამგვარი გაცვლის წინააღმდეგია. სად არის იმის გარანტია, რომ მეორე წრისთვის კატალონიაში პოლიტიკური სიტუაცია დამშვიდდება და ახალი პრობლემა არ წარმოიქმნება?

სხვათა შორის, პოლიტიკური დაძაბულობის გამო "ბარსელონა" სირთულეებს უკვე უახლოეს უქმეებზე წააწყდება. ერნესტო ვალვერდეს გუნდი "ეიბართან" მატჩის სათამაშოდ, შეიძლება, ავტობუსით გაემგზავროს.

საქმე ისაა, რომ კატალონიის დედაქალაქში საპროტესტო აქციებით გამოწვეული დიდი საცობების გამო, აეროპორტამდე ავტობუსით მისვლა ვერ ხერხდება...

ყოველდღიური სპორტული გაზეთი "ლელო"
928
მკითხველის კომენტარები / 0 /
მსგავსი ამბები
რუბრიკის სხვა სიახლეები
;