...და რა შუაშია აქ კვერცხები?! ვანდამ უცნაურად ახსნა, თუ რატომ ვერ გაიტანა იკარდი პენალტი...

სკანდალურმა ვანდა ნარამ, ვინც მაურო იკარდის ცოლი და მენეჯერია, უცნაური კომენტარი გააკეთა იმასთან დაკავშირებით, თუ რატომ ვერ გაიტანა მისმა თანამეცხედრემ პენალტი "ემპოლისთან" მატჩში:

"ყველაფერი კარგად იყო, ჩვენ მივაღწიეთ იმას, რაც გვსურდა. მაუროს პენალტი? ეს იყო შეცდომა, მაგრამ ასეთები ხდება ფეხბურთში და ეს შეცდომები მოსდით მათ, ვისაც კვერცხები აქვს!.. სტადიონსაც ცუდი რეაქცია ჰქონდა და, მათ შორის, მეც. ასეა ყოველთვის, როცა ვიღაც პენალტს აფუჭებს. ყოფილა შემთხვევები, მესის და რონალდოსაც ვერ გაუტანიათ 11-მეტრიანები...

იყავი "ინტერის" ფანი და ერთ დღესაც დარწმუნდები, რომ მაგარი გული გაქვს. ხუთი წლის განმავლობაში ვაგებდით! თურმე, ხანდახან "ბარსელონას" და "ტოტენჰემის" კარში გატანილი გოლები, დერბიში გატანილი 3 გოლი და 26 წლის ასაკში გატანილი 124 გოლიც არ არის საკმარისი...

იმიტომ, რომ ადამიანებს ხშირად არ ესმით მათი, ვინც ტკივილით თამაშობს. ხანდახან ფეხბურთი დიდ გამოცდებს გვიწყობს. მთავარი ის არის, რომ ვიდრე დიდი ფეხბურთელი გახდები, დიდი ადამიანი უნდა იყო", - ამბობს ვანდა.

1055
მკითხველის კომენტარები / 0 /
მსგავსი ამბები
რუბრიკის სხვა სიახლეები
;