დე ბრუინი: საუკეთესო მე ვარ!

"მანჩესტერ სიტის" ბელგიელმა ვარსკვლავმა კევინ დე ბრუინმა განაცხადა, რომ პრემიერლიგის საუკეთესო ფეხბურთელის ტიტულს იმსახურებს.

"ვინ არის პრემიერლიგის საუკეთესო ფეხბურთელი? ამის თაობაზე ყველას თავისი აზრი შეიძლება ჰქონდეს. მოჰამედ სალაჰი მიმდინარე სეზონში შესანიშნავად თამაშობს, ის არანორმალურ საგოლე ალღოს ამჟღავნებს.

და მაინც, არა მგონია, ჩვენი შედარება მიზანშეწონილი იყოს. ავიღოთ "ევერტონთან" მატჩი. მე საყრდენი ნახევარმცველის პოზიციაზე ვითამაშე. მხოლოდ სტატისტიკურ მაჩვენებლებზე დაყრდნობა არ შეიძლება და ისედაც ნათელია, რომ მე იმდენს ვერ გავიტან, რამდენიც სალაჰს გააქვს. პრემიერლიგის საუკეთესო ფეხბურთელობა? ეს დიდებული იქნებოდა ჩემთვის და ჩემი გუნდისთვის.

ჩემი აზრით, მე დავიმსახურე ეს ჯილდო, რადგან მთელი სეზონის განმავლობაში ძალიან სტაბილური ვიყავი. სიმართლე გითხრათ, არც მეგონა, თუ ასეთ სტაბილურობას მივაღწევდი. არც ერთ შეხვედრაში ჩემი დონე დაბლა არ დაცემულა", - აღნიშნა დე ბრუინმა.

"რაც შეეხება პრემიერლიგის მოგებას, ვიცით, რომ უმთავრესი ფავორიტები ვართ. უბრალოდ, შესანიშნავი იქნებოდა ტიტულის მოგება უშუალოდ "იუნაიტედთან" შეხვედრაში. დამეთანხმებით, ამაში არის რაღაც განსაკუთრებული", - ამბობს 26 წლის ნახევარმცველი.

ყოველდღიური სპორტული გაზეთი "ლელო"
997
მკითხველის კომენტარები / 0 /
მსგავსი ამბები
რუბრიკის სხვა სიახლეები
;