დიდი ათი. პირველი ეტაპი 'ბათუმისაა'

* ბათუმის ზედიზედ მერვე გამარჯვება.
* აუტსაიდერი არმია აიასთან გამარჯვებასთან ახლოს იყო.
* "ლოკომოტივი 23 დეკემბერს ითამაშებს.

გათამაშების ლიდერმა "ბათუმმა" ზედიზედ მერვე გამარჯვება მოიპოვა და ლიდერობა განიმტკიცა. "ხარებმა" კი, კიდევ ერთი გმირობა ჩაიდინა, სტუმრად "ლელოს" სძლია და რკინიგზელთა არყოფნაში, ჯერჯერობით, მეორე ადგილზეა.

ჯიქი-არმაზი 13:13

ჯიქი: 2ლ - ტრაპაიძე, ფსუტური. ს - სვანიძე
არმაზი: ლ - იაშაღაშვილი. 2ს,გ - ჯინჭველაშვილი
სინბინი: სპანდერაშვილი
მსაჯი: საბა აბულაშვილი

ამ მატჩში გამარჯვების შემთხვევაში "ჯიქს" შანსი ჰქონდა, კიდევ უფრო დაახლოებოდა საპლეიოფო ექვსეულს. "არმაზმა", როგორც მოსალოდნელი იყო, გასვლით მატჩში მეტოქეს მედგარი წინააღმდეგობა გაუწია და გორში მოპოვებული ორი სატურნირო ქულა, მარნეულელებისთვის ნამდვილად შენაძენია.

აია-არმია 26:17

აია: 3ლ - ნუცუბიძე, ღონღაძე, ერემეიშვილი. 3ს, გ - აბჟანდაძე.
გაძევება: ბაბუნაშვილი
არმია: 2ლ - ზვიადაური, ჭინჭარაული. 2გ, ს - კობახიძე.
სინბინი: ცირეკიძე, ნიკოლავა
გაძევება: გელაშვილი
მსაჯი: თორნიკე გვირჯიშვილი

"აიას" რიგებში აშკარაა, რომ რაღაც მოიშალა. მართალია, ქუთათურებმა გათამაშების აუტსაიდერ "არმიას" შინ მაინც მოუგეს, მაგრამ მარცხამდე ბევრად შორს არ იყვნენ. თავად განსაჯეთ, მთელი პირველი ტაიმის განმავლობაში ანგარიშში წინ არმიელები იყვნენ და მხოლოდ ტაიმის მიწურულს შეძლეს მასპინძლებმა ანგარიშის გათანაბრება - 17:17.

მეორე ტაიმიც ძალიან მძიმედ წარიმართა. "აიამ" 56-ე წუთზე შეძლო თედო აბჟანდაძის საჯარიმოთი დაწინაურება - 20:17. ეს ანგარიში თითქმის თამაშის ბოლომდე შენარჩუნდა და "აიამ" მეტოქე დასკვნით ოთხ წუთში გატეხა, როცა აბჟანდაძემ კიდევ ორი საჯარიმო გაიტანა - 26:17.

ბათუმი-აკადემია 23:15

ბათუმი: 2ლ - მიმინოშვილი, თედორაძე. 3ს, 2გ - ნინიძე.
საინბინი: ნინიძე, სიჭინავა, წიკლაური
აკადემია: 2ლ - ზედაშიძე, ილურიძე. ს, გ - მოძღვრიშვილი
სინბინი: გოგლიძე
მსაჯი: თორნიკე გვირჯიშვილი

ორი სრულიად განსხვავებული ტაიმი შედგა ბათუმში. მასპინძლებმა თბილისის "აკადემიას" ყველა კომპონენტში აჯობეს და პირველი ნახევარი მშრალი ანგარიშით 17:0 მოუგეს. ცხადია, მოვლენების ისეთ განვითარებას, რაც მეორე ნახევარში მოხდა, არავინ ელოდა. "აკადემიამ" თამაშის დასრულებამდე ორი წუთით ადრე ანგარიშში სხვაობის ხუთ ქულამდე შემცირება შეძლო 15:20 და შანსი მიეცა, მატჩი გადაერჩინა. თუმცა, ბათუმელებმა არ დაანებეს და ბოლო წუთზე საჯარიმოთი აკადემიას საპრემიო ქულაც დააკარგვინეს - 23:15.

ლელო-ხარები 10:17

ლელო: ლ - ჯინჯიხაძე. გ,ს - კვირიკაშვილი
სინბინი: მამამთავრიშვილი
ხარები: 3ლ - ქავთარაძე, ბუჯიაშვილი, აქუბარდია. გ - ბუჯიაშვილი.
სინბინი: ნარიმანიძე
მსაჯი: ნიკა ამაშუკელი

"ლელომ" ზედიზედ მესამედ წააგო და სატურნირო ცხრილში ნელ-ნელა მე-6 ადგილამდე ჩაცოცდა. ამჯერად ლელოელების მეტოქე რუსთავის "ხარები" იყო, რომელიც ისე ჩანს, რომ სტუმრად უკეთ თამაშობს, ვიდრე საშინაო არენაზე. თუ გავიხსენებთ, ერთადერთი მარცხი ლიდერ "ბათუმს" სწორედ "ხარებმა" აგემეს სტუმრად, მეორე ტურში.

"ლელოსთან" მატჩში რუსთაველები მუდმივად წინ იყვნენ ანგარიშში. 57-ე წუთზე კი, სულაც შვიდი ქულით დაწინაურდნენ. მატჩის დასასრულამდე დრო საკმარისად იყო, რათა ლელოელებს თამაში გადაერჩინათ, მაგრამ ვერაფრით შეძლეს.

თ მ ფ წ ბ ქ(ს)
1. ბათუმი 10 9 0 1 +121 40(4)
2. ხარები 10 7 0 3 +53 32(4)
3. ლოკომოტივი 9 7 0 2 +84 32(4)
4. არმაზი 10 5 1 4 +99 29(7)
5. აია 10 6 0 4 +13 26(2)
6. ლელო 10 5 0 5 +14 24(3)
7. ჯიქი 10 3 1 6 -37 19(5)
8. აკადემია 10 3 1 6 -101 16(2)
9. ვეფხვები 9 1 1 7 -102 10(4)
10. არმია 10 1 0 9 -144 7(3)

X ტური

23 დეკემბერი
ლოკომოტივი-ვეფხვები

XI ტური

25 იანვარი
ვეფხვები-ლელო
ხარები-ბათუმი
აკადემია-ჯიქი
არმაზი-აია
არმია-ლოკომოტივი

ყოველდღიური სპორტული გაზეთი "ლელო"
615
მკითხველის კომენტარები / 0 /
მსგავსი ამბები
რუბრიკის სხვა სიახლეები
;