დიდი ათი. პირველი მოგება, წაგება, გაძევება...

საქართველოს ჩემპიონატში დაუმარცხებელი მხოლოდ ორი გუნდიღა დარჩა. პირველი გამარჯვება მიითვალა ჩემპიონატის დებიუტანტმა პატარძეულის "ვეფხვებმა"; პირველად წააგო "ლელომ"; გამოჩნდა პირველი წითელი ბარათიც...

ლელო-ბათუმი 13:26
ლელო: ლ - სვიმონიშვილი. 2ს, გ - კვირიკაშვილი.
სინბინი: სვიმონიშვილი, მამამთავრიშვილი
გაძევება: მამამთავრიშვილი
ბათუმი: 2ლ - ბუჯიაშვილი, საჯარიმო. 4ს, გ - ნინიძე
მსაჯი: შოთა თევზაძე

"ლელომ" მიმდინარე გათამაშებაში პირველად წააგო. ორი მძიმე გამარჯვების შემდეგ, ლელოელებმა "ბათუმს", რომელსც სტარტი არცთუ სახარბიელო ჰქონდა, ვერაფერი დაუპირისპირა. პირველ ტაიმში მასპინძლები, თითქოს უპირატესობას ფლობდნენ: "ბათუმი" 30-ე წუთამდე "ლელოს" 22-მეტრიან ზონაში ნამყოფიც არ იყო, მაგრამ დასკვნით 10 წუთში ორი ლელო გაიტანა და ტაიმი 20:6 მოიგო. ასეთი თანაბარი დონის გუნდების თამაშისას ანგარიშში 14-ქულიანი სხვაობა საკმაოდ დიდი უპირატესობაა. "ლელო" ბევრს ეცადა თამაში გადაერჩინა, მაგრამ 70-ე წუთიდან კაცნაკლულად დარჩენილმა ვერ მოახერხა.

არმია-ვეფხვები 17:21
არმია: 2ლ - მერკვილიშვილი, გორგასლიძე. 2გ, ს - კობახიძე.
სინბინი: ქუთათელაძე, ცირეკიძე
ვეფხვები: 3ლ - მამულაშვილი, შალიკაშვილი, ლეგაშვილი. 2ს - გურგენიძე.
სინბინი: ლაფერიშვილი
მსაჯი: თორნიკე გვირჯიშვილი

უმაღლესი ლიგის დებიუტანტმა პატარძეულის "ვეფხვებმა" პირველი გამარჯვება იზეიმა. კახელებმა სტუმრად ითამაშეს თბილისის "არმიასთან" და უმძიმეს ბრძოლაში შეძლეს მეტოქის დამარცხება - 21:17. არადა, მეორე ტაიმის დასაწყისისთვის, 42-ე წუთზე არმიელები 17:3-ს იგებდნენ. "ლელოსგან" განსხვავებით, "ვეფხვებმა" ამ ჩამორჩენის დაძლევა შეძლო. მე-60 წუთიდან მოყოლებული, პატარძეულელებმა ათწუთიან მონაკვეთში სამი ლელო გაიტანეს, მერე ერთი საჯარიმოც ზედ მიაყოლეს და დამსახურებულად გაიმარჯვეს.

ხარები-ჯიქი 30:6
ხარები: 4ლ - თაბუკაშვილი (2), ნატრიაშვილი, ბუჯიაშვილი. 2გ - თაბუკაშვილი, ქავთარაძე. 2ს - თაბუკაშვილი.
ჯიქი: 2ს - სვანიძე
მსაჯი: ნიკა ამაშუკელი

პირველ ტურში შინ განცდილ მარცხს რუსთავის "ხარებმა" ზედიზედ ორი გამარჯვება მოუნაცვლა და ლიდერებს შორის გაერია. რუსთაველებმა ორივე ჯერზე გათამაშების პოტენციური ფავორიტები დაამარცხეს. ამჯერად, "ხარებმა" შინ დამაჯერებლად მოუგო გორის "ჯიქს", რომელსაც მასპინძლებთან დაპირისპირებაში გამარჯვების იოტისოდენა შანსიც არ ჰქონდა. ორი ლელო რუსთაველთა გარემარბმა დათო თაბუკაშვილმა მიითვალა.

აკადემია-აია 10:15
აკადემია: ლ - ილურიძე. გ, ს - მოძღვრიშვილი
აია: 2ლ - აბრამიძე, შალამბერიძე. გ, ს - აბჟანდაძე.
სინბინი: აბრამიძე, სალდაძე, წიკლაური
მსაჯი: ონისე მოგელაშვილი

მძიმე გამოდგა ქუთაისის "აიასთავის" სტუმრად მატჩი თბილისის "აკადემიასთან". თუმცა, ქუთათურებმა მაინც მოიგეს და ლიდერობა შეინარჩუნეს. არადა, პირველი ტაიმი აკადემიელებმა, რომლებსაც მოგებათა გრაფაში ჯერ ისევ ნული აქვთ, 10:3 გაიმარჯვეს. შესვენების შემდეგ "აიამ" მობილიზება მოახერხა. უპირატესობას დაეუფლა და მეტოქეს მონაგრის გაზრდის საშუალება არ მისცა. თავად კი, ორი ლელო მიითვალა და15:10 მოიგო. "აკადემიამ" პირველი ქულა ჩაიწერა, რომელიც მას რვა ქულით ნაკლები სხვაობით წაგების გამო ერგო.

არმაზი-ლოკომოტივი 15:17
არმაზი: 2ლ - ჯინჭველაშვილი, კვესელაძე. გ, ს - ჯინჭველაშვილი
ლოკომოტივი: 2ლ - შკინინი, გასვიანი. 2გ, ს - კავთიძე.
მსაჯი: სულხან ჩიხლაძე

როგორც მოსალოდნელი იყო, ამ გუნდების დაპირისპირება დაძაბული გამოდგა. "არმაზმა" წლეულს გაცილებით უკეთესი რაგბის თამაში დაიწყო და გასაკვირი სულაც არ არის, ქვეყნის მრავალგზის ჩემპიონს საკადრისი წინააღმდეგობა რომ გაუწია. მეტიც, არმაზელებმა პირველი ტაიმი მოიგეს კიდეც - 12:7, მაგრამ რკინიგზელებმა ძალების მაქსიმალური მობილიზება და შეხვედრის სათავისოდ დასრულება შეძლეს. "ლოკომოტივი" ჯერ ისევ დაუმარცხებელია.

თ მ ფ წ ბ ქ(ს)
1. აია 3 3 0 0 +52 13(1)
2. ლოკომოტივი 3 3 0 0 +40 13(1)
3. ხარები 3 2 0 1 +28 10(1)
4. ბათუმი 3 2 0 1 +45 10(2)
5. ლელო 3 2 0 1 -7 8(0)
6. არმაზი 3 1 0 2 +17 6(2)
7. ვეფხვები 3 1 0 2 -24 5(1)
8. ჯიქი 3 1 0 2 -32 5(1)
9. აკადემია 3 0 0 3 -59 1(1)
10. არმია 3 0 0 3 -60 1(1)

ყოველდღიური სპორტული გაზეთი "ლელო"
796
მკითხველის კომენტარები / 0 /
მსგავსი ამბები
რუბრიკის სხვა სიახლეები
;