დიდი ათი: ჩემპიონი ტიტულისთვის ბრძოლას განაგრძობს

ლოკომოტივი-ლელო 21:17
ლოკომოტივი (15-9): აფციაური (გედახური 49), გოგოლაშვილი, ძნელაძე, ტალახაძე (გულიტაშვილი 49), ხელაია, წიკლაური, ბეგაძე; (1-8): ვ. ქვათაძე (გორგასლიძე 68), ი. ქვათაძე (ჭავჭავაძე 68), ქართველიშვილი, კოპაძე, არაბული (გეგია 63), გასვიანი, ამირანაშვილი (ტურაშვილი 53), მაისურაძე (ხვისტანი 65, მაჭარაშვილი 79).

2ლ: გასვიანი, ხელაია. 3ს, გ: წიკლაური
სინბინი: გასვიანი, მაისურაძე

ლელო (15-9): ყიასაშვილი, მამუკაშვილი, ჯინჯიხაძე, გავაშელიშვილი, ტაბუცაძე (ნიქაბაძე 60), კვირიკაშვილი, პერანიძე; (1-8): სვიმონიშვილი (ბეჟიაშვილი 74), ჭყოიძე (ზამთარაძე 68), ლაზვიაშვილი (დუგლაძე 70), კვაჭაძე (დარძულიძე 65), ქერდიყოშვილი, მამამთავრიშვილი, აფციაური (ცერცვაძე 74, ახობაძე 80), ბუბუტეიშვილი (აბესაძე 49)
ლ: ტაბუცაძე. 4ს: ყიასაშვილი
მსაჯი: ნიკა ამაშუკელი

ეს გუნდები მუდამ პირველობისთვის იბრძოდნენ და, შესაბამისად, მათ შორის დაპირისპირება ყოველთვის საინტერესო, დაძაბულ ბრძოლაში მიმდინარეობდა.
ასე მოხდა ამჯერადაც. თუმცა, სამართლიანობა მოითხოვს აღინიშნოს, რომ პირველ ტაიმში „ლელომ“ აშკარად აჯობა მეტოქეს. ძნელი სათქმელია, როგორ განვითარდებოდა მოვლენები მერაბ კვირიკაშვილს დასაწყისშივე ორი საჯარიმო და გარდასახვა რომ გაეტანა, ან თუნდაც ლელოელთა ერთადერთი ლელოს ავტორს, აკაკი ტაბუცაძეს, „ლოკომოტივის“ ჩათვლის მოედანში შესულს, ისე, რომ ხელს არავინ უშლიდა, ბურთი ბოლო წამს ხელიდან არ გავარდნოდა.

მიუხედავად ამდენი ხელიდან გაშვებული შესაძლებლობისა, „ლელომ“ პირველი ტაიმი 11:3 მოიგო. იმავე ტაბუცაძემ ფენომენალური ლელო გაიტანა, რომელიც მის 80-მეტრიან სოლო რეიდს მოჰყვა.

„ლელო“ არც შესვენების შემდეგ აპირებდა რამის დათმობას, მაგრამ „ლოკომოტივი“ მეტოქის შეცდომებს კარგად იყენებდა და ნელ-ნელა ანგარიშში სხვაობას ამცირებდა. 70-ე წუთისთვის რკინიგზელთა ჩამორჩენა უკვე ერთ ქულამდე დავიდა - 16:17. ბოლო წუთზე „ლელოს“ მოედნის ნახევარზე დანიშნული შერკინებიდან ბურთი უხეიროდ გამოიტანეს. თენგიზ პერანიძის გადაცემამ ადრესატი ვერ იპოვა. უმისამართოდ გადავარდნილ ბურთს „ლოკომოტივის“ ფულბეკმა ბექა წიკალურმა ფეხი მიჰკრა, რომელსაც მეტოქის ლელოში ყველაზე ადრე იოანე ხელაიამ მიუსწრო და გამარჯვების მომტანი ლელო გაიტანა - 21:17.

აია-არმაზი 26:30
აია: 4ლ - კვირიკაშვილი, გ.ბაბუნაშვილი, არეშიძე, მოდებაძე. 3გ - გ. ბაბუნაშვილი
სინბინი: წივწივაძე, გ.ბაბუნაშვილი
არმაზი: 3ლ - საჯარიმო, წიკლაური, ჯიმშელეიშვილი. 3ს,გ - ჯინჭველაშვილი
მსაჯი: თორნიკე გვირჯიშვილი

ქუთაისური გუნდის მარცხს, ალბათ, ცოტა ვინმე თუ ელოდა, მით უფრო, რომ „აია“ მასპინძელი იყო. პირველ ტაიმში სტუმრებმა შესანიშნავად იასპარეზეს და 39-ე წუთამდე მშრალი ანგარიშით 27:0 იგებდნენ.

„აიამ“ ლელოს გატანა და ანგარიშის ოდნავ შემცირება ტაიმის მიწურულსღა შეძლო. შესვენების შემდეგ კი, ქუთათურები მთლიანად დაეუფლნენ უპირატესობას. მათ სამი ლელო გაიტანეს და 74-ე წუთზე ანგარიშში სხვაობა მინიმუმამდე შეამცირეს - 26:27. დრო მატჩის გადასარჩენად საკმარისი იყო. „აიას“ გამარჯვებისთვის ერთი საჯარიმოც ყოფნიდა. თუმცა, მოხდა პირიქით - საჯარიმო „არმაზის“ ქუთაისური სკოლის გაზრდილმა მგეზავმა რეზო ჯინჭველაშვილმა გაიტანა და „არმაზს“ 30:26 მოაგებინა.

ახლა, „არმაზი“ გასავარდნ ფინალში ქვეყნის მოქმედ ჩემპიონს, თბილისის „ლოკომოტივს“ დაუპირისპირდება.

20 აპრილი

შესარჩევი ფინალი
ბათუმი-ხარები 16:00

21 აპრილი
გასავარდნი ფინალი
ლოკომოტივი-არმაზი 16:00

ყოველდღიური სპორტული გაზეთი "ლელო"
384
მკითხველის კომენტარები / 0 /
მსგავსი ამბები
რუბრიკის სხვა სიახლეები
;