დიდი ათი. IV ტური. ჩემპიონი დაუმარცხებელია

საქართველოს ჩემპიონი თბილისის "ლოკომოტივი" ერთადერთი გუნდია, რომელიც ოთხი ტურის შემდეგ დაუმარცხებელია. პირველად წააგო, თანაც საკუთარ მოედანზე ქუთაისის "აიამ". საგანგაშოა გუნდების სათამაშო დისციპლინა. ხუთ მატჩში არბიტრებმა 11 მორაგბე გაასინბინეს და ორს წითელი ბარათი უჩვენეს.

აია-ხარები 15:22
აია: 2 ლ - აბრამიძე, კობახიძე. გ, ს - აბჟანდაძე.
სინბინი: სალდაძე
ხარები: 4 ლ - კევლიშვილი, ქავთარაძე, ბუჯიაშვილი, მელიქიშვილი. გ - ქავთარაძე.
სინბინი: გულორდავა
მსაჯი: საბა აბულაშვილი

რუსთავის "ხარებმა" მიმდინარე გათამაშებაში მეორე სენსაცია გამოაცხო. რუსთაველებმა გასვლით მატჩში ჩემპიონატის ფავორიტი ქუთაისის "აია" დაამარცხეს. აღსანიშნავია, რომ სტუმრები ქუთათურებთან მატჩში თითქმის ყველა კომპონენტში უპირატესობას ფლობდნენ. აი, "აია" კი, ტურიდან ტურამდე სულ უფრო უკლებს. რაღაც მოიშალა გუნდის თამაშში. ქუთათურებზე იქნებ განცდილმა პირველმა მარცხმა დადებითად იმოქმედოს. "ხარებზე" კი, ქების მეტი რა ითქმის. ეს გუნდი საქართველოს ჩემპიონატში ერთ-ერთია, რომელიც გამართულ, თანამედროვე რაგბის თამაშობს.

ჯიქი-ლელო 14:16
ჯიქი: ლ - ფურცხვანიძე. 3 ს - სვანიძე.
სინბინი: ხუციშვილი, სუთიძე, სუხაშვილი.
გაძევება: კლდიაშვილი
ლელო: ლ, გ, 3ს - კვირიკაშვილი.
სინბინი: ბერიაშვილი, ბეჟიაშვილი
მსაჯი: თორნიკე გვირჯიშვილი

ამ გუნდების ბრძოლა ყოველთვის დაძაბულად მიმდინარეობს და არც ეს მატჩი გახლდათ გამონაკლისი. თავად განსაჯეთ, მატჩის არბიტრმა ხუთი მორაგბე სინბინში გაუშვა, ერთი კი, წითელი ბარათით გააძევა. "ლელომ" 16 ქულა დააგროვა და ყველა მერაბ კვირიკაშვილის ანგარიშზეა. მის მიერ პირველი ტაიმის მიწურულს გატანილი ლელო, ფაქტობრივად, გადამწყვეტი აღმოჩნდა.

ფრანგი სპეციალისტის მიერ გაწვრთნილი "ჯიქი" ცუდად არ გამოიყურებიდა. მეტიც, ხელით ბურთაობას მეტად ცდილობდა ვიდრე წინა სეზონებში და კარგადაც გამოსდიოდა. თუმცა, საბოლოოდ წარმატების მოსაპოვებლად გუნდს რაღაც აკლია. ერთი სიტყვით, ახლა, "ჯიქი" სატურნირო ცხრილის მეორე ნახევარშია და ლიდერთა მარაქაში დასაბრუნებლად დიდი გარჯა მოუწევს.

ბათუმი-ვეფხვები 25:0
ბათუმი: 4 ლ - თოდუა, ბუჯიაშვილი, ტრაპაიძე, გოგიტიძე. გ - ჯაბნიძე. ს - ნინიძე.
მსაჯი: სულხან ჩიხლაძე.

პატარძეულელები "ბათუმს" გადახალისებული შემადგენლობით ეწვივნენ. მატჩის შედეგი სრულიად ლოგიკურია. შავიზღვისპირელებს დებიუტანტის წინააღმდეგობის დაძლევა არ გასჭირვებია. უნდა ვივარაუდოთ, რომ ეს ჯერ კიდევ სულაც არ არის ბათუმელთა მაქსიმუმი.

არმია-არმაზი 8:29
არმია: ლ - პაატაშვილი. ს - კობახიძე.
სინბინი: კალმახელიძე, კობახიძე
გაძევება: ლაზარიშვილი
არმაზი: 4 ლ - ჯიბლაძე, ლიპარტელიანი, გიგოლაშვილი, საჯარიმო. 2 გ, ს - ჯინჭველაშვილი.
სინბინი: კვესელაძე, მამუჩარაშვილი
მსაჯი: შოთა თევზაძე

არმიელებმა მარნეულის "არმაზს" მედგარი წინააღმდეგობა 50-ე წუთამდე გაუწიეს. ამ დროისთვის ანგარიში 3:3 იყო. დარჩენილ დროში მარნეულელებმა, რომლებიც წლეულს შარშანდელზე ბევრად უკეთესად ასპარეზობენ, ოთხი ლელოს გატანა და ერთი საპრემიო ქულის აღება შეძლეს. "არმია" კი, ისევ სატურნირო ცხრილის ფსკერზეა.

ლოკომოტივი-აკადემია 41:6
ლოკომოტივი: 6 ლ - ძნელაძე, შკინინი. ბეგაძე, კოპაძე, წივწივაძე, გასვიანი. 4 გ, ს - წიკლაური
აკადემია: 2 ს - მოძღვრიშვილი
მსაჯი: ნიკა ამაშუკელი

საქართველოს ჩემპიონი თბილისის "ლოკომოტივი" ერთადერთი გუნდია, რომელიც ოთხი ტურის შემდეგ დაუმარცხებელია. რკინიგზელებმა ერთ-ერთ აუტსაიდერს, თბილისის "აკადემიას" ექვსი ლელო გაუტანეს და სატუნირო ცხრილს სათავეში მოექცნენ. აკადემიელებმა ოთხი თამაშიდან ოთხივე წააგეს და ბოლო ადგილზე არიან.

თ მ ფ წ ბ ქ(ს)
1. ლოკომოტივი 4 4 0 0 +75 18(2)
2. ბათუმი 4 3 0 1 +70 15(3)
3. ხარები 4 3 0 1 +35 14(1)
4. აია 4 3 0 1 +45 14(2)
5. ლელო 4 3 0 1 -5 12(0)
6. არმაზი 4 2 0 2 +38 11(3)
8. ჯიქი 4 1 0 3 -34 6(2)
7. ვეფხვები 4 1 0 3 -49 5(1)
9. არმია 4 0 0 4 -81 1(1)
10. აკადემია 4 0 0 4 -93 1(1)

V ტური
28 სექტემბერი
ლელო-აია
29 სექტემბერი
ბათუმი-ჯიქი
არმაზი-ვეფხვები
30 სექტემბერი
ხარები-ლოკომოტივი
აკადემია-არმია

206
მკითხველის კომენტარები / 0 /
მსგავსი ამბები
რუბრიკის სხვა სიახლეები