დიდი ათი. XVI ტურის მიმოხილვა: 'ბათუმი' ყველასგან მიუწვდომელია

საქართველოს ჩემპიონატის რეგულარული გათამაშების დასრულებამდე ორი ტურით ადრე „ბათუმი“ მეტოქეთაგან მიუწვდომელია და პირველი ადგილი განაღდებული აქვს.

მეორე ადგილისთვის, რომელზე გასულიც პირდაპირ პლეი ოფში დაიბევებს ადგილს, ორი გუნდი იბრძვის. უკიდურესადაა დაძაბული ვითარება სატურნირო ცხრილის მეორე ნახევარში. უმაღლესი ლიგიდან გავარდნის საფრთხე ერთბაშად სამ გუნდს ემუქრება...

ლოკომოტივი-ბათუმი 16:18
ლოკომოტივი: ლ - ქართველიშვილი. 3ს, გ - წიკლაური
სინბინი: გოგოლაშვილი, ამირანაშვილი, ბეგაძე
გაძევება: ძნელაძე

ბათუმი: 2ლ - ბუჯიაშვილი, მამრიკიშვილი. 2ს, გ - ნინიძე.
სინბინი: დონაძე, მამრიკიშვილი
მსაჯი: საბა აბულაშვილი

ტურის ცენტრალური მატჩი თბილისში გაიმართა, სადაც მოქმედმა ჩემპიონმა „ლოკომოტივმა“ ლიდერ „ბათუმს“ უმასპინძლა. თამაში, როგორც მოსალოდნელი იყო, დაძაბული გამოდგა. არბიტრი იძულებული იყო ხუთი მორაგბე სინბინში გაეშვა. ერთს კი რკინიგზელთა შუამარბს, ეროვნული ნაკრების წევრს, ზურაბ ძნელაძეს წითელი ბარათი უჩვენა.

39-ე წუთამდე სტუმრები 10:0-ს იგებდნენ. რკინიგზელებმა ტაიმის მიწურულს ლელოს გატანა და ანგარიშის შემცირება შეძლეს. მეორე ნახევარში კი მალევე, 46-ე წუთზე დაწინაურდნენ - 13:10. მაგრამ ბათუმელებმა მატჩის ბოლომდე კიდევ თითო ლელო და საჯარიმო გაიტანეს, რაზეც რკინიგზელებმა მხოლოდ ერთი საჯარიმოთი უპასუხეს - 16:18.

აია-ჯიქი 23:17
აია: 2ლ - ბაბუნაშვილი, აბრამიძე. 3ს, 2გ - აბჟანდაძე
ჯიქი: 2ლ - ხუციშვილი, ბიწაძე. 2გ - ფურცხვანიძე, კიკნაძე. ს - ფურცხვანიძე
მსაჯი: ტაჰლა ნჩაკაზა

სტუმრებმა პირველი ტაიმი კარგად წარმართეს და 10:7 მოიგეს. „აიამ“ მეორე ტაიმში ტემპს უმატა, ნელ-ნელა ინიციატივას დაეუფლა და ანგარიშშიც დაწინაურდა. ქუთათურები 70-ე წუთისთვის უკვე 20:10-ს იგებდნენ. „ჯიქმა“ ლელო გაიტანა და მატჩის გადარჩენის შანსი გაუჩნდა. თუმცა, „აიამ“ ამ შესაძლებლობის გამოყენების საშუალება არ მისცა. თედო აბჟანდაძემ საჯარიმოდან კიდევ ერთხელ დაარტყა ზუსტად და მასპინძლებმა 23:17 მოიგეს.

არმია-ლელო 29:15
არმია: 2ლ - ლაზარიშვილი, ცირეკიძე. 5ს, 2გ - კობახიძე.
სინბინი: ბარბაქაძე
ლელო: 2ლ - მამამთავრიშვილი, ტაბუცაძე. ს, გ - კვირიკაშვილი
სინბინი: მამამთვარიშვილი
მსაჯი: სულხან ჩიხლაძე

„არმიამ“ უმნიშვნელოვანესი გამარჯვება მოიპოვა თბილისის „ლელოსთან“ ბრძოლაში, რომელიც პლეი ოფში გასვლისთვის იბრძვის. არმიელებმა, მიუხედავად იმისა, რომ პირველი ნახევარი 6:10 წააგეს, მეორე ტაიმში მეტოქეს თავს თავისი თამაში მოახვიეს და 75-ე წუთისთვის 29:10 იგებდნენ. „ლელომ“ მატჩის მიწურულს ერთი ლელოს გატანა შეძლო, რაც მატჩის გადასარჩენად სულაც არ იყო საკმარისი. აღსანიშნავია, არმიელთა ფულბეკის ბახვა კობახიძის შედეგიანი თამაში. მის ანგარიშზე 19 ქულაა (ხუთი საჯარიმო და ორი გარდასახვა).

არმაზი-ხარები 3:19
არმაზი: ს - ჯინჭველაშვილი
სინბინი: ლიპარტელიანი, ცინცაძე.
გაძევება: ბარბაქაძე
ხარები: 3ლ - თეგეთაშვილი (2), ნათელაშვილი. 2გ - ბუჯიაშვილი
მსაჯი: შოთა თევზაძე

მარნეულის „არმაზი“ ლიდერთა ჯგუფის წარმომადგენელ რუსთავის „ხარებთან“ უშანსოდ დამარცხდა. რითაც, პლეი ოფში მოხვედრის შანსი ოდნავ შეუმცირდა.

ვეფხვები-აკადემია 17:17
ვეფხვები: 2ლ - მღებრიშვილი, მამულაშვილი. 2გ, ს - გურგენიძე
აკადემია: ლ - ილურიძე. 4ს - მოძღვრიშვილი
სინბინი: გ.ილურიძე
მსაჯი: ნიკა ამაშუკელი

„ვეფხვებს“ რეალურად შეეძლოთ მორიგი გამარჯვების აქტივში ჩაწერა. პატარძეულელები 58-ე წუთამდე 17:3-ს იგებდნენ, მაგრამ აკადემიელებმა 71-ე წუთისთვის ჯერ ანგარიშის შემცირება შეძლეს - 14:17. ბოლო წუთზე კი დავით მოძღვრიშვილმა საჯარიმოდან ანგარიში გაათანაბრა - 17:17.

თ მ ფ წ ბ ქ(ს)
1. ბათუმი 16 14 0 2 +173 62(6)
2. ხარები 16 11 1 4 +61 51(5)
3. ლოკომოტივი 16 10 0 6 +128 50(10)
4. აია 16 8 1 7 +16 38(4)
5. ლელო 16 8 0 8 -19 36(4)
6. ჯიქი 16 6 1 9 -7 35(9)
7. არმაზი 16 6 1 9 +7 33(7)
8. აკადემია 16 5 2 9 -134 26(2)
9. ვეფხვები 16 3 2 11 -107 24(8)
10. არმია 16 5 0 11 -118 24(4)

XVII ტური

29 მარტი
ლელო-არმაზი 16:00

30 მარტი
ლოკომოტივი-ჯიქი 14:00
ბათუმი-არმია 16:00

31 მარტი
ხარები-აკადემია 13:45
აია-ვეფხვები 16:00

ყოველდღიური სპორტული გაზეთი "ლელო"
567
მკითხველის კომენტარები / 0 /
მსგავსი ამბები
რუბრიკის სხვა სიახლეები
;