დიდი ამბები ქეცბაიასთან. ლორია დაშავდა, კაჭარავა მიდის?

კვიპროსული "ანორთოსისისა" და საქართველოს ეროვნული ნაკრების მეკარე გიორგი ლორია დაშავებულია. კვიპროსული მედიის ცნობით, ფამაგუსტელთა ძირითად გოლკიპერს კვიპროსის ჩემპიონატის პირველი ტურის მატჩი გაუცდება. თემურ ქეცბაიას გუნდი 24 აგვისტოს ლიმასოლის აელ-ს დაუპირისპირდება.

როგორც ირკვევა, ლორიას სრული რეაბილიტაციისთვის 15-20 დღე სჭირდება. ამის შემდეგ ის ჩვეულებრივად დაიწყებს ვარჯიშს.

ამასობაში, კვიპროსელი ჟურნალისტები წერენ, რომ სატრანსფერო ფანჯრის დახურვამდე, შესაძლოა, კლუბი დატოვოს ნიკა კაჭარავამ. ის ვერ შევიდა ოპტიმალურ ფორმაში. გარდა ამისა, საქართველოს ნაკრების შემტევს მაღალი ხელფასი აქვს და, შესაძლოა, "ანორთოსისის" ხელმძღვანელობას თანხის ეკონომია სურს, რათა ამის ხარჯზე ახალი მოთამაშეების დამატება შეძლოს.

2273
მკითხველის კომენტარები / 0 /
მსგავსი ამბები
რუბრიკის სხვა სიახლეები
;