[აღიარება] ხვიჩა კვარაცხელია რუსეთის პრემიერლიგის სეზონის საუკეთესო ახალგაზრდა ფეხბურთელად დაასახელეს!

ხვიჩა კვარაცხელია რუსეთის პრემიერლიგის 2019/20 წლების სეზონის საუკეთესო ახალგაზრდა ფეხბურთელად დასახელდა. მას პრემიერლიგის, რუსეთის საფეხბურთო კავშირისა და Match TV-ის სპეციალური პრემია გადაეცემა.

გასულ სეზონში 19 წლის ქართველმა "რუბინი" შემადგენლობაში 27 მატჩი ჩაატარა, 3 გოლი გაიტანა და 5 საგოლე პასი შეასრულა. ამას გარდა, ის ერთ-ერთი საუკეთესო იყო დრიბლინგების მხრივაც - 194. კვარაცხელია მხოლოდ არსენალელ დანიილ ლესოვოის ჩამორჩა, რომელიც ასევე აცხადებდა პრეტენზიას ჯილდოს მოგებაზე. 29-ე ტურში ქართველმა ტალანტმა, ცალკე აღებული მატჩისთვის, დრიბლინგებში საუკეთესო შედეგი აჩვენა - 15.

ჯილდოსთვის ბრძოლაში კვარაცხელიას სერიოზული კონკურენტები ჰყავდა - ფიოდორ ჩალოვი, ივან ობლიაკოვი, კრისტიან ბისტროვიჩი, იგორ დივეევი (ყველა - ცსკა), მაგომედ-შაპი სულეიმანოვი, მატვეი საფონოვი, დანიილ უტკინი (ყველა - "კრასნოდარი"), დანიილ ლესოვოი ("არსენალი"), ალექსანდრ მაქსიმენკო ("სპარტაკი"), მაქსიმ გლუშენკოვი ("კრილია სოვეტოვი"), ოსტონ ურუნოვი ("უფა").

საუკეთესო ახალგაზრდას ირჩევდნენ პრემიერლიგის გუნდების კაპიტნები და მწვრთნელები, ასევე, "მატჩ პრემიერის" 5 ექსპერტი, 7 წამყვანი საინფორმაციო საშუალების (Sports.ru, Чемпионат, Sport24, ТАСС, Р-Спорт, «Спорт-Экспресс», «Советский спорт») წარმომადგენელი და რუსეთის ნაკრების მწვრთნელი სტანისლავ ჩერჩესოვი. 11-მა მათგანმა კვარაცხელია პირველ ადგილზე დაასახელა.

"რუსეთში ძალიან ძნელია ფეხბურთელის მოტყუება. აქ კარგი მცველები არიან, გუნდები დაცვაში ძალიან მკაცრად თამაშობენ... მაგრამ ყოველთვის უნდა ეცადო და მეც ვცდილობ. უნდა მოვუმატო რეალიზაციის მხრივ, უფრო ბევრი უნდა გავიტანო და უფრო ბევრი უნდა ვიმუშაო გუნდზე", - უთხრა ხვიჩამ Match TV-ს. 

1114
მკითხველის კომენტარები / 0 /
მსგავსი ამბები
რუბრიკის სხვა სიახლეები
;