დიდი დანაკლისი ევროპულ თამაშებზე - გენო პეტრიაშვილი

დიდი ალბათობით, მეორე ევროპულ თამაშებს ჩვენი ოლიმპიური დელეგაციის და თავისუფალი სტილით მოჭიდავეთა ნაკრების ერთ-ერთი ლიდერი, მძიმეწონოსანი გენო პეტრიაშვილი დააკლდება.

მართალია, ჯერჯერობით ამ გუნდის მთავარ მწვრთნელ გიორგი იანტბელიძეს მინსკში წასაყვანი შემადგენლობა ოფიციალურად ჯერ არ დაუსახელებია, მაგრამ როგორც ამბობენ, პეტრიაშვილი დაკლება გადაწყვეტილია. მიზეზი ჯანმრთელობის მდგომარეობაა - მსოფლიოს ორგზის და ევროპის ჩემპიონმა მენისკის ოპერაცია გაიკეთა და თუმცა ყველაფერმა კარგად ჩაიარა, მათ შორის - სარეაბილიტაციო პერიოდმაც, მაგრამ თურმე არც თავად სპორტსმენს სურს მსოფლიოს ჩემპიონატის წინ გარისკვა და მინსკში ჭიდაობა და მეტი სიფრთხილისთვის სამწვრთნელო შტაბს ექიმებიც თავშეკავებას ურჩევენ. მით უფრო, სეზონის მთავარი შეჯიბრება წინაა - მსოფლიოს ჩემპიონატი, რომელიც ტოკიოს 2020 წლის ლიცენზიებსაც იძლევა.

იანტბელიძე უკვე ეძებს სათადარიგო ვარიანტებს და მინსკში მძიმე წონაში ელიზბარ ოდიკაძის, ხოლო 97-ში მის ნაცვლად გივი მაჭარაშვილის დაყენებას აპირებს. თუმცა ეს ჯერ იდეის დონეზეა, ყველაფერი კი სულ მალე უნდა გაირკვეს, რადგან ერთ კვირაში საბოლოო სიებია წარსადგენი.

4846
მკითხველის კომენტარები / 0 /
მსგავსი ამბები
რუბრიკის სხვა სიახლეები
;