[დიდი მატჩები] კრაკოვსა და თბილისში დაწერილი ისტორია

2004 წელი ოქროს ასოებით წერია ქართული ფეხბურთის ისტორიაში. საქართველოს ყველაზე ტიტულიანმა კლუბმა უეფას თასზე ერთმანეთის მიყოლებით ჩამოიშორა გზიდან ბელარუსის "ბატე" და პრაღის "სლავია", გადამწყვეტ შეხვედრაში კი კრაკოვის "ვისლას" მოუგო ორმატჩიანი დუელი და პირველად დამპუკიდებელი ქართული ფეხბურთის ისტორიაში მოხვდა ევროპული ტურნირის ჯგუფურ ეტაპზე. 

ვისლა
4
დინამო
3
16 სექტემბერი, 2004. პირველი ეტაპი. პოლონეთი, კრაკოვი, ჯორდანს პარკი. 8500
გოლები: 0:1 ჯაბა კანკავა (17), 0:2 კახა ალადაშვილი (25), 1:2 დამიან გორავსკი (59), 2:2 მაცეი ჟურავსკი (61), 3:2 ტომაშ ფრანკოვსკი (63), 4:2 ტომაშ ფრანკოვსკი (75), 4:3 დავით კვირკველია (82)
ვისლა: რადოსლავ მაიდანი, მიროსლავ შიმკოვიაკი, ნიკოლა მიხაილოვიჩი, მარშინ ბაშჩინსკი, არკადიუშ გლოვაცკი, დამიან გორავსკი (მაცეი სტოლარჩიკი 79), მაცეი ჟურავსკი (კაპ), მარიუშ კუკიელკა (მაურო კანტორო 46), მარეკ ზემჩუკი (მარცინ კუჟბა 46), ტომაშ ფრანკოვსკი, ტომაშ კლოსი
მწვრთნელი: ჰენრიკ კასპერჩაკი
დინამო: ირაკლი ზოიძე (ზურაბ მამალაძე 46), დავით ჭიჭვეიშვილი, ილია კანდელაკი, ლაშა სალუქვაძე, გიორგი შაშიაშვილი (კაპ), გიორგი ნემსაძე, კახა ალადაშვილი (მიხეილ კაკალაძე 69), დავით კვირკველია, ბორის გონჩაროვი, ლევან მელქაძე (შოთა გრიგალაშვილი 58), ჯაბა კანკავა
მწვრთნელი: გია გეგუჩაძე
გაფრთხილება: რადოსლავ მაიდანი, დავით ჭიჭვეიშვილი, ბორის გონჩაროვი, ზურაბ მამალაძე
მსაჯები: დარკო ჩეფერინი; იგორ ჟუპანჩიჩი, ანჯეი კოკოლი (სლოვენია)

 აქვე ვთქვათ, რომ სადღეისოდ ამ მიღწევის განმეორება ვერცერთმა ქართულმა კლუბმა ვერ შეძლო. თავად ვესწრებოდი პოლონეთის უმშვენიერეს ქალაქ კრაკოვში გამართულ პირველ მატჩს (რა თქმა უნდა, ვნახე მეორე, თბილისური შეხვედრაც) და უნდა გითხრათ, რომ სტადიონზე შეკრებული პუბლიკა აშკარად შოკში იყო - "დინამოსაგან" ასეთ თამაშს ნამდვილად არ ელოდნენ.

ის კი არა, პოლონელები ბოლომდე იყვნენ დარწმუნებულები საკუთარი გუნდის გამარჯვებაში და ყველაზე კოშმარულ სიზმარშიც კი ვერ წარმოიდგენდნენ, თუ დინამოელები მათი საყვარელი გუნდის დამარცხებას შეძლებდნენ.

ეს იყო ჩემი პირველი უცხოური მივლინება და, ცხადია, ის არც არასოდეს დამავიწყდება. ასევე არასოდეს დამავიწყდება "დინამოს" შესანიშნავიგარჯით გაოგნებული პოლონელები ის აურა, "ვისლას" ულამაზეს სტადიონზე რომ სუფევდა.

    თენგიზ სულაქველიძე: როტერდამში მსაჯმა ჯოჯოხეთი მოგვიწყო, მაგრამ \'ფეიენოორდი\" არბიტრიანად დავამარცხეთ

რთული დასავიწყებელია ასევე ულამაზესი კრაკოვი - მას შემდეგ ევროპის არაერთ ქალაქს მაწვია ბედმა, თუმცა ასეთი სილამაზე მე ძალიან იშვიათ მინახავს.

იმ "დინამოს" წარმატების ერთ-ერთი მთავარი შემომქმედი, დავით პეტრიაშვილი დღეს ჩვენს შორის აღარ არის. ქართული კლუბის სათავეში კი გია გეგუჩაძე იდგა, ვისაც ვთხოვეთ კიდეც მაშინდელი მატჩის პერიპეტიების გახსენება.

"ვისლა" რომ ძალიან ძლიერი გუნდი იყო, ეს შესანიშნავად ვიცოდით. ბოლოსდაბოლოს, ამ კლუბის რვა ფეხბურთელი პოლონეთის ნაკრებში თამაშობდა. გუნდს კასპერჩაკი წვრთნიდა - წარსულში ცნობილი ფეხბურთელი, მერე კი შესანიშნავი მწვრთნელი.

მე ვიტყოდი, რომ სერიის წინ მოწინააღმდეგის თაობაზე ინფორმაცია საკმაოდ გვქონდა. გეხსომებათ, "დინამომდე" "ვიტ ჯორჯიას" შეხვდა "ვისლა" და ორი შეხვედრის ჯამში საქართველოს ჩემპიონი დიდი ანგარიშით დაამარცხა. ისე ჩანს, პირველი შეხვედრის წინ პოლონელთა მხრიდან ადგილი ჰქონდა ჩვენი გუნდის შეუფასებლობას. ამავეს ვერ ვიტყვი მეორე თამაშზე. 

დინამო
2
ვისლა
1
30 სექტემბერი, 2004. პირველი ეტაპი. თბილისი, ბორის პაიჭაძის სახელობის ეროვნულისტადიონი. 20000
გოლები: 1:0 გიორგი ნემსაძე (59, პენ), 2:0 მიხეილ კაკალაძე (65), 2:1 ტომაშ ფრანკოვსკი (76)
დინამო: ზურაბ მამალაძე, დავით ჭიჭვეიშვილი, ილია კანდელაკი, ლაშა სალუქვაძე, გიორგი შაშიაშვილი (კაპ), კახა ალადაშვილი, გიორგი ნემსაძე, დავით კვირკველია, მიხეილ კაკალაძე (შოთა გრიგალაშვილი 79), ლევან მელქაძე (სეზარ რომერო 68), ჯაბა კანკავა
მწვრთნელი: გია გეგუჩაძე
ვისლა: რადოსლავ მაიდანი, მიროსლავ შიმკოვიაკი, მარშინ ბაშჩინსკი, არკადიუშ გლოვაცკი, დამიან გორავსკი (მარიუშ კუკიელკა 60), მაცეი ჟურავსკი (კაპ), მაურო კანტორო, მარეკ ზემჩუკი (მარცინ კუჟბა 69), ტომაშ ფრანკოვსკი, ტომაშ კლოსი, მაცეი სტოლარჩიკი
მწვრთნელი: ჰენრიკ კასპერჩაკი
გაფრთხილება: გიორგი შაშიაშვილი, ჯაბა კანკავა, ტომაშ კლოსი
გაძევება: მარშინ ბაშჩინსკი (58)
მსაჯები: კენეტ კლარკი; ენდი დევისი, სტიუარტ მაკოლეი (შოტლანდია)

 პოლონური შეხვედრის მომსწრეენი ერთად ვართ. ის თამაში შესანიშნავად დავიწყეთ. ორი გოლი გავიტანეთ და დავწინაურდით ჩვენთვის სასურველი ანგარიშით, მაგრამ მეორე ნახევარში პოლონელებმა ანგარიშიც გაათანაბრეს და ორი ბურთითაც გავიდნენ წინ.

გახსოვთ, თამაშის ბოლოსკენ დავით კვირკველიამ გაიტანა. მე ვიყოდი, რომ ეს გოლი აღმოჩნდა კიდეც გადამწყვეტი ორრაუნდიან ორთაბრძოლაში. პოლონეთში მინიმალური ანგარიშით წავაგეთ და ყველამ ვიცოდით, რომ თბილისში გადამწყვეტი შეხვედრა გველოდა.

ჩვენი ერთ-ერთი მთავარი ამოცანა გახლდათ "ვისლას" თავდასხმის დუეტის - ფრანსკოვსკისა და ჟურავსკის ნეიტრალიზება. შეიძლება ითქვას, რომ ეს შევძელით თბილისურ შეხვედრაში. ეს მიუხედავად იმისა, რომ ფრანკოვსკიმ მაინც გაიტანა.

თბილისურ შეხვედრაში ჩვენ ისე გავედით, როგორც გადამწყვეტ ომში. ფეხბურთელები კარგად განეწყვნენ ამ თამაშისათვის. თუ მოვიგებდით, ისინი გმირები ხდებოდნენ, დასაკარგი არაფერი იყო.

მოვიგეთ ურთულესი თამაში. გულშემატკივრების როლს საგანგებოდ მინდა გავუსვა ხაზი - ჩემი აზრით, მათი წვლილი უდიდესია ამ გამარჯვებაში...

2519
მკითხველის კომენტარები / 0 /
მსგავსი ამბები
რუბრიკის სხვა სიახლეები