[VIDEO] 7:0 სომხეთთან, მატჩი, რომელიც არასოდეს დაგვავიწყდება

საქართველოს ეროვნული ნაკრების ისტორიაში არის ისეთი მატჩები, რომლებიც გულშემატკივარს არასოდეს დაავიწყდება. როდესაც ჩვენი გუნდის მიერ ჩატარებულ გამორჩეულ თამაშებზე მიდგება - ხოლმე საქმე, ერთ-ერთი პირველი გვახსენდება - ხოლმე თბილისური შეხვედრა სომხეთის ნაკრებთან. 

საქართველო
7
სომხეთი
0
30 მარტი, 1997. ამხანაგური
თბილისი, ბორის პაიჭაძის სახელობის ეროვნული სტადიონი. 10000
გოლები: 1:0 შოთა არველაძე (12), 2:0 გიორგი ქინქლაძე (45, პენ), 3:0 შოთა არველაძე (57), 4:0 არჩილ არველაძე (58), 5:0 არჩილ არველაძე (60), 6:0 შოთა არველაძე (67), 7:0 მიხეილ ყაველაშვილი (81)
საქართველო: ირაკლი ზოიძე (ნიკა ტოგონიძე 55), ნუგზარ ლობჟანიძე, კახი ცხადაძე (კაპ), მურთაზ შელია (გელა შეყილაძე 61), გიორგი ჩიხრაძე (კახი გოგიჩაიშვილი 46), ლევან კობიაშვილი, გიორგი ნემსაძე, გოჩა ჯამარაული (მიხეილ ყაველაშვილი 46), თემურ ქეცბაია (არჩილ არველაძე 57), გიორგი ქინქლაძე (გოგა გახოკიძე 61), შოთა არველაძე (ამირან მუჯირი 68).
მწვრთნელი: დავით ყიფიანი
სომხეთი: არმენ ავაქიანი, იერვანდ სუკიასიანი, ვარდან ხაჩატრიანი (კაპ) (ტიგრან გსპეიანი 46), სარქის ოვსეპიანი, ჰარუთუნ ვარდანიანი (ტიგრან იასაიანი 46), მიშელ დერ ზაქარიანი (არამაის ტონოიანი 46), არტურ პეტროსიანი (რომიკ ხაჩატრიანი 60), აკოფ ტერ-პეტროსიანი (გაგიკ მანუკიანი 56), არსენ ავეტისიანი, ერიკ ასადურიანი, ჰამლეტ მხითარიანი
მწვრთნელი: ხორენ ოგანესიანი
გაფრთხილება: მიშელ დერ ზაქარიანი
მსაჯები: ვალენტინ ივანოვი; ვლადიმირ გესელევი, ალექსეი გარტი (რუსეთი)


კავკასიური დერბი მუდამ განსაკუთრებულ ინტერესს იწვევს. 23 წლის წინ "ეროვნულზე" ბრძოლა არ ყოფილა. დავით ყიფიანის მიერ გაწვრთნილმა გუნდმა შვიდი (!) უპასუხო გოლი გაიტანა სომეხთა კარში.

ანგარიშიდან გამომდინარე, შეიძლება ბევრმა ჩათვალოს, რომ სომხეთის ნაკრები ძალიან სუსტი გუნდი გახლდათ, მაგრამ ასე ნამდვილად არ ყოფილა. სომხეთის ნაკრებს მაშინ ამ ქვეყნის ყველა დროის ერთ-ერთი საუკეთესო ფეხბურთელი, ხორენ ოგანესიანი ხელმძღვანელობდა.

სხვათა შორის, სომხები საგანგებოდ ემზადებოდნენ ქართველებთან სათამაშოდ. სწორედ თბილისში ღირსეული გამოსვლის იმედით გამოჩნდა გუნდში საფრანგეთში მოთამაშე ორი ფეხბურთელი - მცველი მიშელ დერ ზაქარიანი და თავდამსხმელი ერიკ ასადურიანი. ორივე მათგანმა საკმაოდ მაღალ დონეზე ითამაშა საფრანგეთში, დერ ზაქარიანი კი მოგვიანებით "ნანტის" მწვრთნელი გახლდათ.

ასე იყო თუ ისე, საქართველოს ნაკრებმა იმ დღეს ისეთი ფეხბურთი ითამაშა, რომ მისი შეჩერება ალბათ ნებისმიერ გრანდსაც კი გაუჭირდებოდა. რა გვახსოვს ამ შეხვედრედან ყველაზე მკაფიოდ?

ალბათ, საქართველოს ნაკრების თამაში. ჩვენმა გუნდმა მაღალკომბინაციური ზეშემტევი ფეხბურთი უჩვენა. შოთას დახატული გოლები, გიო ქინქლაძის დიდებული პასები, მაგრამ ვინც ეს მატჩი ნახა და მისი პერიპეტიები კარგად ახსოვს, ალბათ არასოდეს დაავიწყდება თემურ ქეცბაას დიდებული რეიდი, რომელიც სომხებმა თამაშის წესის დარღვევით შეაჩერეს. ამ რეიდს მსოფლიოს ნებისმიერი ვარსკვლავი მოაწერდა ხელს...

8138
მკითხველის კომენტარები / 4 /
სააკაძე
0
მთელი უბანი წავედით სტადიონზე, მათ შორის სომხებიც იყვნენ :)
სანამ თამაში დაიწყებოდა ერთ-ერთს ვეკითხები:
--კარენჯან ვის მხარეს ხარ?
-- არცერთისკენ ბრატჯან :):):)
ნუ იქ მაგათ ამბავი დაატყდათ, ყოველ გოლზე ჯოჯოხეთს ვუწყობდით:):)... რათქმაუნდა მეგობრულად:):)
ზ.გ.
7
აბა ეხლა მოუგე თუნდაც ორით ნოლი ,არა მგონია, მართლა მაგრები იყვნენ!!
ლაშა77
0
ეხლაც მოუგებენ
03:09 2020.04.14
მსგავსი ამბები
რუბრიკის სხვა სიახლეები
;