რონალდო, ფეხბურთისა და სექსის ვარსკვლავი: 3 ცოლი, 200 საყვარელი [PHOTO]

რონალდო ლუიშ ნაზარიო დე ლიმა - ყველა დროის ერთი საუკეთესო მობურთალი, რომელმაც ფეხბურთში თავისი ეპოქა შექმნა. მაგრამ მას ჰქონდა არანაკლებ დატვირთული და ინტენსიური პირადი ცხოვრებაც, რომელიც ბევრისთვის შეიძლება საინტერესო იყოს...

მისი ყველა ყოფილი თანაგუნდელი ერთხმად აღნიშნავს, რომ „კიჭა“ არასოდეს ბრაზდებოდა თუნდაც მათი უზუსტო პასების გამო. ის მუდამ კარგ ხასიათზე იყო და იღიმოდა, არასოდეს ეძლეოდა კაეშანს, საუკეთესო იყო როგორც მინდორზე, ისე - მის მიღმა...

როგორ ვერ იპოვა გოგონა...

ახალგაზრდობაში რონალდო ძალიან მორცხვი იყო. ის არცთუ სიმპათიური გახლდათ. გოგონებს მისი ეს თვისებები ძალიან არ მოსწონდათ. ისინი მომავალ ვარსკვლავს ხშირად დასცინოდნენ და გეისაც კი უწოდებდნენ. ასეთი ხუმრობები ადრესატს ძალიან აბრაზებდა. რონალდომ მათ წინააღმდეგ განსაკუთრებული მეთოდი მოიგონა.

„მან ზუსტად დაიწყო ისეთი მანერების გამოყენება, როგორიც ჰქონდათ ჰომოსექსუალისტებს. გოგონების მხრიდან ხუმრობა შეწყდა. ის ბიჭები, რომლებიც არ იცნობდნენ რონალდოს, მიიჩნევდნენ, რომ ის, უბრალოდ, გეი იყო“, - იხსენებს ბრაზილიელი ვარსკვლავის ბავშვობის მეგობარი კალანგო.

პირველი სასიყვარულო თავგადასავალი წარმატებული ვერ გამოდგა. 14 წლის რონალდოს მისი მეზობელი გოგონა, კელი მოეწონა. მისი ხათრით ის ხშირად იპარავდა ხილს, კალათაში აწყობდა და გოგონასთან მიჰქონდა. ყველაფერმა უაზროდ ჩაიარა - კელიმ რონალდო ცუდი გარეგნობის გამო დაიწუნა...

მაგრამ მალე ყველაფერი შეიცვალა. 17 წლის ასაკში, ტრენაჟორის მეშვეობით, რონალდოს სხეული ქალებისთვის გაცილებით მიმზიდველი გახდა. გარდა ამისა, მან გაისწორა კბილები და ყველაზე მთავარი ის იყო, რომ 1994 წელს ბრაზილიის ნაკრების შემადგენლობაში მსოფლიოს ჩემპიონი გახდა. ფეხბურთზე გადარეულ ქვეყანაში ეს უკვე ნაღდ ვარსკვლავობას ნიშნავდა...

რამდენიმე წლის შემდეგ ერთ-ერთი ბრაზილიური ჟურნალის კორესპონდენტი კელისთან მივიდა და ჰკითხა - ხომ არ ნანობდა ის ამ ისტორიას.

„ის ახლა გაცილებით ათლეტური და ტანადია. მას აღარც ისეთი საშინელი კბილები აქვს, ჩამოუყალიბდა თავისი სტილი. მაშინ ამის შესახებ რომ მცოდნოდა, ასე ნამდვილად არ მოვექცეოდი“, - სინანულით თქვა ქალმა.

ამ დროისთვის რონალდოს კელი უკვე აღარაფერში სჭირდებოდა. მას თავისუფლად შეეძლო ნებისმიერი ქალის მონადირება.

სექსი ყოველი მატჩის წინ

ჰოლანდიაში რონალდო ბრაზილიელ ლამაზმან ნადიასთან ერთად წავიდა, ვინც რიოში გაიცნო. „ის ყოველთვის გამოკვეთილი ფერის წითელ ტუჩსაცხს ისვამდა, იცმევდა მოკლე კაბას და იდგა მაღალ ქუსლებზე. ტელევიზორის ყურება და სექსი ნადიასთან რონალდოს ორი საყვარელი საქმე იყო“, - ამბობს კალანგო.

ზუსტად ნახევარ წელიწადში რონალდოს მოსწყინდა ნადია. რიოში მორიგი ვიზიტის დროს მან ყოფილ გულისწორს უღალატა. ერთ-ერთ საღამოზე ცხელსისხლიანი ქერა ლამაზმანი ვივიენი გაიცნო. თვითმხილველთა თქმით, „პსვ ეინდჰოვენის“ ვარსკვლავმა მაშინვე გაიყვანა ის ცალკე ოთახში და იქ რაც მოხდებოდა, ყველამ კარგად ვიცით. შინ მისულ რონალდოს ნადიამ ჯერ პრეტენზიები წაუყენა ღალატის გამო, მერე კი უთხრა, რომ ორსულადაა. 18 წლის რონალდომ მას დნმ-ის ტესტის ჩატარება მოსთხოვა, რაზეც ქალმა უარი თქვა. ამის შემდეგ მათი გზები გაიყარა.

როგორც კი მარტო დარჩა, „კიჭამ“ პარტნიორების ცვლა დაიწყო. ის უბრალოდ აღმერთებდა სექსს. მომავალმა ვარსკვლავმა „ვაჟიშვილობა“ 15 წლის შემდეგ „დაკარგა“. ამის შემდეგ ის მიხვდა, რომ მხოლოდ ფეხბურთი კი არ არის დიდი კაიფი, არამედ, სექსიც ამ კატეგორიაში გადის.

მსოფლიოს 2002 წლის ჩემპიონატის დაწყების წინ ამ თემაზე რონალდომ ძალიან საინტერესო კომენტარი გააკეთა. „უკვე 6 წელია, ყოველი შეხვედრის წინა დღეს სექსი მაქვს. არის ერთი მთავარი აუცილებლობა - კაცმა ამ შემთხვევაში პასიური როლი უნდა ითამაშოს. ეს მას ადუნებს და ბედნიერს ხდის. პასიური სექსით სულ მცირე ორი საათის განმავლობაში ვარ დაკავებული. მთავარია, არ გასცდე ფარგლებს და ძალიან აქტიური არ იყო. ასეთ შემთხვევაში შეიძლება ბევრი ენერგია დახარჯო და მერე მინდორზე გაგიჭირდეს“, - თქვა მან.

„ბარსელონაში“ ჩატარებული ერთ-ერთი ვარჯიშის შემდეგ „კიჭა“ სასადილოდ რესტორანში წავიდა. შემდეგ ბაზაზე უნდა დაბრუნებულიყო. გავიდა რამდენიმე საათი. რონალდო არ ჩანდა. კლუბის თანამშრომლებმა მისი ძებნა დაიწყეს და მიაკვლიეს გასახდელში, სადაც... ორ ქალთან ერთად ჰქონდა სექსი.

სუპერვარსკვლავის ამპლუაში ის იოლად პოულობდა ახალ საყვარლებს. როცა „ბარსელონაში“ გადავიდა, მას სახლთან ელოდა შეყვარებული გოგონა - ფანი. ის ფეხბურთელს სერიოზული ურთიერთობის დამყარებას სთხოვდა. რა თქმა უნდა, ეს ასე არ მოხდა...

როგორ დაკარგა კინაღამ ოქროს ბურთი

1997 წელს რონალდო „ინტერში“ გადავიდა და დაიწყო ყველაზე ნაყოფიერი პერიოდი „ტუსოვკებისთვის“. „ინტერში“ გადასვლისას მას უკვე ჰყავდა ახალი გულისწორი - ბრაზილიელი მოდელი სიუზან ვერნერი.

ერთ-ერთ იტალიურ ტელეშოუში სტუმრობისას რონალდომ სიუზანთან ურთიერთობის არაერთ დეტალზე ისაუბრა.

„ჩვენ ძალიან ხშირად საწოლში ბევრი რამის უფლებას ვაძლევთ თავს. დაკავებულნი ვართ სექს-თამაშებით. ხშირად გვაქვს სექსი აბაზანაში. მე მიყვარს მისი სხეული და ამ სხეულის კოცნა თავიდან ფეხის თითებამდე“, - თქვა მან.

რონალდოს აღიარება გულწრფელად ჟღერდა, მაგრამ ეს არ უშლიდა ხელს ბრაზილიელ ვარსკვლავს, ყოველი ახალი საღამო ახალი საყვარლების კომპანიაში გაეტარებინა.

რონალდო რიოში დაიბადა და მას იმთავითვე დაებედა ხმაურიანი საღამოების სიყვარული. ის არ იქცეოდა ჯორჯ ბესტივით და პოლ გასკოინივით. არ ილეშებოდა ალკოჰოლით და არ აკეთებდა წარმოუდგენელ რამეებს. მას უბრალოდ უყვარდა ცხოვრება და დღესასწაულის შეგრძნება.

„ჩვენ ხანდახან სასწაულ რეიდებს ვახორციელებდით. მერე ბევრს ჩვენი შურდა კიდეც თეთრი შურით“, - გაიხსენა ძველი დრო ასევე ცნობილმა მექალთანემ, „ინტერში“ რონალდოს თანაგუნდელმა კრისტიან ვიერიმ.

ბიჭები დილის ექვს საათამდე რჩებოდნენ ღამის კლუბში, მერე კი ვარჯიშზე მიდიოდნენ. როგორც წესი, რონალდო კარგად უძლებდა ასეთ რეჟიმს. ამაში გასაკვირი არაფერია. „დილა ძალიან რთული იყო. მე ვერ ვსუნთქავდი და მუცელი მტკიოდა, რონალდო კი კაპუჩინოს სვამდა და იცინოდა. მას ვარჯიში არ უწევდა“, - ესეც ვიერის მოგონებიდანაა.

„ტუსოვკები“ რონალდოსთვის უცხო არც ბრაზილიის ნაკრებში იყო. 1997 წელს ის „სელესაოსთან“ ერთად გაემგზავრა ბოლივიაში, „კოპა ამერიკაზე“ სათამაშოდ. „გარდიანის“ ჟურნალისტმა ჯეკ ქეროლმა ძალიან საინტერესო წერილი დაწერა.

„ერთ დღეს მე დავჯექი ბარში ხმაურიან ბრაზილიურ კომპანიასთან ახლოს. ისინი გაუთავებლად სვამდნენ. დავაკვირდი მათ და დავინახე, რომ ყველა ერთნაირ, ყვითელ-მწვანე „ნაიკის“ ფორმებში იყვნენ გამოწყობილები. მივხვდი, რომ რონალდოსთან, რივალდოსა და დენილსონთან ერთად ვიჯექი. ყველა მათგანთან ერთად იჯდა ქალი, რონალდოსთან კი ერთბაშად - სამი! ბრაზილიელები იქ ღამის 3 საათამდე ისხდნენ. ისინი იქ სხვა დღეებშიც მოდიოდნენ, მაშინაც კი, როცა თამაშები იყო. და მათთან ერთად მუდამ იყვნენ ქალები“.

ასეთი ცხოვრების წესს ბრაზილიის ნაკრებისთვის ხელი არ შეუშლია ტურნირის მოგებაში. რონალდომ კი იმ „კოპა ამერიკაზე“ 5 გოლი შეაგდო.

1998 წელს მან მიიღო „ოქროს ბურთი“, მაგრამ „ტუსოვკებისადმი“ განსაკუთრებული სიყვარულის გამო... კინაღამ დაკარგა. 1998 წლის იანვარში „კიჭას“ სასურველი ჯილდო გადაეცა „იუვენტუსთან“ შეხვედრის წინ. ის მატჩი რონალდოს „ინტერმა“ 1:0 მოიგო. ერთადერთი გოლი იური ჯორკაეფმა შეაგდო. თამაში რომ მორჩა, რონალდომ სწრაფად ჩაიცვა და ბრაზილიელი მეგობრებისკენ გასწია. კლუბში მორიგი ხმაურიანი საღამო იგეგმებოდა. სიჩქარეში მას „ოქროს ბურთი“ სტადიონზე დარჩა.

„ინტერის“ პრესსამსახურის ყოფილი ხელმძღვანელი სანდრო საბატინი იხსენებს: „რონალდომ დამირეკა და მითხრა, რომ ჯილდო სტადიონზე დარჩა. ყველამ ძებნა დავიწყეთ და ბოლოს ის ვიპოვეთ გასახდელში. იმ ყუთში, სადაც პერსონალი ჭუჭყიან თეთრეულს ათავსებდა“.

წარმოიდგინეთ, რა მოხდებოდა, „ოქროს ბურთი“ რომ დაკარგულიყო. ყველაფერს რომ თავი დავანებოთ, ის 12 კილოგრამს იწონიდა...



მინიმუმ 200 საყვარელი

არავინ იცის, ზუსტად რამდენი საყვარელი ჰყავდა სხვადასხვა დროს რონალდოს. ბევრის აზრით, მათი რიცხვი, სულ მცირე, 200 მაინც იყო. უკრაინელი პორნოვარსკვლავი ოქსანა კლიჩკო რამდენიმე დღის განმავლობაში იყოფდა სარეცელს „კიჭასთან“.

უკრაინელმა ერთ-ერთ იტალიურ ტელეშოუს შემდეგი უთხრა: „ჩვენ ერთად ვიყავით, მაგრამ მხოლოდ მცირე ხნის განმავლობაში. რონალდო მომწონდა არა მხოლოდ როგორც ადამიანი, არამედ როგორც მამაკაცი. მას ძალიან უყვარს მრავალფეროვნება. ჩემი ეს სიტყვები სიახლე არავისთვის უნდა იყოს“, - თქვა მან.

სხვათა შორის, რონალდო ძალიან ეჭვიანობდა სიუზან ვერნერზე. მან დიდი სკანდალი მოაწყო, როცა სიუზანმა გადასაღებ მოედანზე ერთ-ერთ მსახიობს კისერში აკოცა. ასე იყო სცენარით გათვალისწინებული...

წყვილის ურთიერთობა კი მაშინ დაინგრა, როცა 1999 წლის „როლან გაროსის“ მსვლელობისას ვერნერმა ანა კურნიკოვაზე იეჭვიანა და, კაცმა რომ თქვას, ამის საფუძველიც ჰქონდა...

სიუზან ვერნერს კი, ეტყობა, ფეხბურთელებთან სარეცელის გაზიარება ძალიან მოეწონა. 2006 წელს ის ცოლად გაჰყვა ჟულიო სეზარს...

მილენა და ახალი სკანდალები

რონალდომ თავდაპირველად ტელევიზიით ნახა მილენა როდრიგესი - ბრაზილიის ქალ ფეხბურთელთა ნაკრების ქერათმიანი მოთამაშე. ის ყველაზე ლამაზი ფეხბურთელი იყო ბრაზილიელ ქალებს შორის. ჟურნალისტები მას „ბრაზილიელ ბარბის“ ეძახდნენ...

რონალდომ მაშინვე გაიგო მილენას ტელეფონი. წყვილს ეგრევე შეუყვარდა ერთმანეთი. ამის გამო, რონალდომ „ინტერში“ რამდენიმე დღით დააგვიანა, რის გამოც კლუბმა 5 ათასი ევროთი დააჯარიმა.

მილენა ქალიშვილი იყო. მის ოჯახში ქორწინებამდე სექსი აკრძალული გახლდათ. მაგრამ რონალდო ამანაც ვერ დააკავა. საბოლოოდ, მას მომავალი სიდედრისთვის მოუხდა ახსნა-განმარტების მიცემა. მალე წყვილს ვაჟი გაუჩნდა.

რონალდომ მაინც ვერ მოიშალა ლოველასობა. მან ჯერ რუმინული ტურნეს დროს შეაცდინა სასტუმროს ადმინისტრატორი ქალი, მერე კი საზოგადოებრივი სახლის სტუმარი გახლდათ. ეს იტალიურმა მედიამ შეიტყო. სკანდალები „კიჭას“ არც ამის შემდეგ დაჰკლებია, თუნდაც ტრანსვესტიტებთან...

მილენას შემდეგ რონალდოს კიდევ 2 ცოლი ჰყავდა. ამათ შორის, კიდევ ერთი ქერა - რაიკა როდრიგესი.

აი, ასეთია ის - სექსისა და ფეხბურთის რაინდი...

ყოველდღიური სპორტული გაზეთი "ლელო"
7832
მკითხველის კომენტარები / 0 /
მსგავსი ამბები
რუბრიკის სხვა სიახლეები
;