დიდი 10. VII ტურის წინათქმა: ვის წაადგა ორკვირიანი ტაიმ აუტი?

საქართველოს ჩემპიონატი დღეს მე-7 ტურის შეხვედრებით განახლდება. ორკვირიანი შესვენება "ბათუმის" ევროთასებზე ასპარეზობით იყო გამოწვეული. საინტერესოა, როგორ გამოიყენეს დანარჩენმა გუნდებმა ეს პერიოდი.

მეშვიდე ტურში ქუთაისური დერბი გაიმართება. ლიდერი "აია", რომელსაც ჯერ ერთხელაც არ წაუგია, აუტსაიდერ "ბაგრატს" შეხვდება.

ბევრად უფრო საინტერესო მესამე ადგილზე მყოფი "ბათუმის" დაპირისპირება იქნება სტუმრად თბილისის "ლელოსთან", რომელიც ამჟამად სატურნირო ცხრილში მეორე ადგილზეა. ზღვისპირელთა მგეზავ ლაშა ხმალაძეს და მეორეხაზელ სანდრო ქოიავას თავიანთ კარიერაში პირველად მოუწევთ მშობლიური კლუბის წინააღმდეგ თამაში.

რუსთავის "ხარებმა" სტარტზე ოთხი გამარჯვების შემდეგ ორჯერ წააგო და პოზიციები ოდნავ დათმო. რუსთაველები მე-7 ტურში სტუმრად ითამაშებენ "არმიასთან", რომელსაც არასახარბიელო სატურნირო მდგომარეობა აქვს და აუცილებლად მოგება სჭირდება.

ქვეყნის ჩემპიონი გორის "ჯიქი", რომელიც ნელ-ნელა შედის ფორმაში, სტუმრად ითამაშებს ბოლოსწინა ადგილზე მყოფ თბილისის "აკადემიასთან", რომელსაც ჯერ ერთხელაც არ მოუგია. თუმცა ეს გუნდი იმდენად ბრძოლისუნარიანია, რომ ექვსიდან ხუთ მატჩში საპრემიო ქულა მაინც მოიპოვა.

თბილისის "ლოკომოტივი" და მარნეულის "არმაზი" სატურნირო ცხრილში მეზობლები არიან. თუმცა, რკინიგზელებს ერთი თამაშით ნაკლები აქვთ გამართული.  

დიდი 10. VII ტური
27 ოქტომბერი
აკადემია-ჯიქი

28 ოქტომბერი
არმია-ხარები
აია-ბაგრატი

29 ოქტომბერი
ლოკომოტივი-არმაზი
ლელო-ბათუმი.

ყოველდღიური სპორტული გაზეთი "ლელო"
507
მკითხველის კომენტარები / 0 /
მსგავსი ამბები
რუბრიკის სხვა სიახლეები