დიდი 10. X ტური: ლიდერის პირველი მარცხი და ბორჯღალოსანთა გაბრწყინება

* საქართველოს ჩემპიონატში (დიდი ათი) II წრე დაიწყო.
* სეზონში პირველი მარცხი იწვნია ლიდერმა ქუთაისის "აიამ".
* "ბორჯღალოსანმა" რეზო ჯინჭველაშვილმა "არმაზს" მატჩში 19-ვე ქულა მოუტანა.
* კიდევ ერთმა "ბორჯღალოსანმა", სოსო მათიაშვილმა (აკადემია) ორი ლელო გაიტანა.

ლელო-ბაგრატი 33:5
ლელო: (15-9) მამუკაშვილი, ასათიანი (ახობაძე 63), ხეცოიძე, სიხარულიძე (ბარკალაია 53), თაფლაძე, შანიძე, პერანიძე; (1-8) მამისაშვილი (მარგალიტაძე 50), ლომთაძე (ზამთარაძე 46), დუგლაძე (სვიმონიშვილი), ხორბალაძე (აბესაძე 72), ჯღარკავა (კუჭუხიძე 61), მამამთავრიშვილი, ბერიაშვილი, ბუბუტეიშვილი.
5ლ: ხეცოიძე, სვიმონიშვილი (2), ხორბალაძე, ბერიაშვილი. 4გ: პერანიძე.
ბაგრატი (15-9) ი. კიკვაძე, ოდიშარია (ბ. აბაშიძე 45), ცნობილაძე (ხურვიძე 68), ჯ. ბალანჩივაძე (გ. თუთბერიძე 46), საკანდელიძე, გოშაძე, გ. აბაშიძე (გ. კიკვაძე 40); (1-8) სართანია, ჭელიძე, ნ. ბალანჩივაძე (ჩიტეიშვილი 63), ჩიქოვანი (მეგენეიშვილი 79), არჩვაძე, კობახიძე, იობიძე, კენჭაძე.
ლ: ჩიქოვანი.
სინბინი: ჩიქოვანი, საკანდელიძე.

საქართველოს ჩემპიონატის მეორე წრის პირველი ტურის მატჩით წლევანდელი სარაგბო სეზონი დასრულდა. გასამართავი მხოლოდ ერთი გამოტოვებული მატჩია, რომელშიც თბილისის "ლოკომოტივი" შინ "ბათუმს" დაუპირისპირდება. იქამდე კი ბათუმელები ევროთასებზე ორ მატჩს გამართავენ, ერთს სტუმრად და მეორეს შინ.

მე-10 ტურში "ლელო არენაზე" თბილისის "ლელომ" აუტსაიდერი ქუთაისის "ბაგრატი" მიიღო და დამაჯერებლად გაიმარჯვა 33:5. ლელოელებს ეროვნული ნაკრების წევრები ალექსანდრე თოდუა და მერაბ კვირიკაშვილი აკლდათ. ტრავმის გამო არ უთამაშია გუნდის კაპიტან ირაკლი ყიასაშვილსაც.

გადახალისებული, თითქმის მთლიანად ახალგაზრდული გუნდით მოთამაშე "ლელომ" მეტოქეზე უპირატესობა დასაწყისშივე მოიპოვა და პირველ 15 წუთში ორი ლელო გაუტანა. პირველად ზურაბ ხორბალაძემ მოლის მძლავრი ბიძგების შემდეგ დაამიწა ბურთი ლელოში, მერე ლელოელთა ეფექტური კომბინაცია შუამარბმა ალექსანდრე ხეცოიძემ დაასრულა. თენგიზ პერანიძემ მხოლოდ ერთი გარდასახა.

"ლელოს" სათამაშო უპირატესობა არც ამის შემდეგ გაუშვია ხელიდან. თუმცა, მონაგარის გაზრდას ვერაფრით ახერხებდა. "ბაგრატმა" ტაიმის მიწურულს მეტოქის შეცდომით ისარგებლა, კონტრიერიში წამოიწყო, ქუთათურებმა ხელდახელ გაითამაშეს და მასპინძელთა ლელოში ლევან ჩიქოვანმა შეაღწია. იოსებ კიკვიძეს გარდასახვა გაუცუდდა - 5:12. ასე დასრულდა პირველი ტაიმი.

შესვენების შემდეგ, "ლელოს" უპირატესობა კიდევ უფრო საგრძნობი გახდა. იმდენად, რომ "ბაგრატს" ერთხელაც აღარ მისცემია სალელოვე შეტევის შანსი. მიუხედავად ამისა, მასპინძლებმა 65-ე წუთამდე ანგარიშში სხვაობის გაზრდა ვერაფრით მოახერხეს. "ლელოს" მწვრთნელის მიერ განხორციელებულმა ცვლილებებმა უშველა. შეცვლაზე შესულმა პირველხაზელმა ნიკა სვიმონიშვილმა 65-ე და 70-ე წუთებზე ზედიზედ ორი ლელო გაიტანა. პერანიძემ ორივე გარდასახა - 26:5.

ანგარიში კიდევ უფრო სოლიდური მატჩის დასრულებამდე ერთი წუთით ადრე გახდა. ლელო ლამაზი კომბინაციის შემდეგ მესამეხაზელმა ცისკარა ბერიაშვილმა მიითვალა. პერანიძემ გარდასახა - 33:5.

ლოკომოტივი-აია 26:23
ლოკომოტივი: 4ლ - საჯარიმო, ხიდეშელი, შკინინი, გასვიანი. 2გ - კავთიძე, წიკლაური
აია: სალდაძე, ძნელაძე. 2გ,3ს - ბაბუნაშვილი
სინბინი: ტორაძე, როხვაძე

მიმდინარე გათამაშებაში პირველი მარცხი იწვნია ქუთაისის "აიამ". თუმცა, სატურნირო ცხრილში პირველ საფეხურს ისევ ინარჩუნებს. ქუთათურების პირველი მძლეველი ყველაზე ტიტულოვანი ქართული კლუბი თბილისის "ლოკომოტივი" გამოდგა.

რკინიგზელებმა, როგორც აღმოჩნდა, გადამწყვეტი უპირატესობა პირველ ტაიმში მოიპოვეს, რომელიც 19:10 მოიგეს. "აია" მეორე ტაიმში მატჩის გადარჩენას შეეცადა. ამის შანსიც ჰქონდა, მაგრამ... თუ "ლოკომოტივმა" გამოტოვებული მატჩი "ბათუმს" საპრემიო ქულით მოუგო, "აიას" დაეწევა.

ბათუმი-არმაზი 26:19
ბათუმი: 4ლ - საჯარიმო, კუპატაძე, ტრაპაიძე, ურჯუკაშვილი. 2გ - კობახიძე.
არმაზი: ლ, გ, ა, 3ს - ჯინჭველაშვილი
სინბინი: ფხაკაძე

"ბათუმმა" ევროთასების დასკვნითი ორი მატჩის წინ ბოლო რეპეტიცია გამართა, რომელშიც მონაწილეობა არ მიუღია საქართველოს ნაკრების მგეზავ ლაშა ხმალაძეს. მის არყოფნაში ბათუმელებმა მარნეულის "არმაზს" ოთხი ლელო გაუტანეს.

სტუმართა გუნდის შემადგენლობაში კი გამორჩეული ეროვნული ნაკრების კიდევ ერთი მგეზავი რეზო ჯინჭველაშვილი იყო. ცხრამეტივე ქულა გუნდს სწორედ მან მოუტანა. მის ანგარიშზე ერთი ლელო, სამი საჯარიმო, თითო გარდასახვა და არეკნია.

ჯიქი-ხარები 10:10
ჯიქი: ლ - სამხარაძე. გ, ს - ნინიძე.
სინბინი: კიკნაძე
ხარები: ლ - მაჭარაშვილი. გ, ს - ბუჯიაშვილი
სინბინი: გოგიაშვილი

რუსთავის "ხარებმა" სტუმრად ქვეყნის ჩემპიონ გორის "ჯიქთან" ბოლომდე თავდადებით იბრძოლა და ფრეს გამორჩა - 10:10. აღსანიშნავია, რომ ეს ანგარიში პირველ ტაიმში დაფიქსირდა და მეორე ნახევარში გუნდებმა მონაგარს ვერაფერი შესძინეს. მასპინძლებს რამდენიმე წამყვანი მორაგბე აკლდა. არ უთამაშია რუსთაველთა რიგებში ლიდერს, ცხრა ნომერ ვაჟა ხუციშვილს.

აკადემია-არმია 28:9
აკადემია: 3ლ - ღამბაშიძე, მათიაშვილი (2). 3ს, 2გ - მათიაშვილი.
არმია: 3ს - მახარაშვილი

"აკადემიამ" უშუალო კონკურენტი "არმია" დაამარცხა და საპლეიოფო ზონას მიუახლოვდა. მატჩის გმირი საქართველოს ნაკრების ფულბეკი სოსო მათიაშვილი გახდა, რომელმაც გუნდს 23 ქულა მოუტანა. მის ანგარიშზე ორი ლელო, 2 გარდასახვა და სამი საჯარიმოა. "არმია" ჯერ კიდევ რჩება სახიფათო ზონაში.

გამოტოვებული მატჩი
23 დეკემბერი
ლოკომოტივი-ბათუმი

XI ტური
26 იანვარი
ლოკომოტივი-ხარები

27 იანვარი
აია-აკადემია
არმია-ლელო

28 იანვარი
ბაგრატი-ბათუმი
არმაზი-ჯიქი

ყოველდღიური სპორტული გაზეთი "ლელო"
594
მკითხველის კომენტარები / 0 /
მსგავსი ამბები
რუბრიკის სხვა სიახლეები