დიდი 10. XIII ტური: ორი ფავორიტი გამოიკვეთა

საქართველოს ჩემპიონატის მე-13 ტურის შემდეგ სამ დაწინაურებულ ლიდერს ერთი ჩამორჩა. ამდენად, სატურნირო ცხრილის სათავეში მყოფი ქუთაისის "აია" და თბილისის "ლოკომოტივი" პირდაპირ ნახევარფინალში გასვლის ყველაზე რეალური კანდიდატები არიან.

ლოკომოტივი-ლელო 39:21

ლოკომოტივი: 6 ლ - ამირანაშვილი, ფოფხაძე, ხარაზიშვილი, შკინინი, ბეგაძე, გეგია. 3 გ - კავთიძე, ხარაზიშვილი (2). ს - კავთიძე.
სინბინი: აფციაური, ჩიღვინიძე
ლელო: 3 ლ - ახობაძე (2), ბუბუტეიშვილი. 3 გ - ყიასაშვილი.
სინბინი: ბერიაშვილი, დუგლაძე

"ავჭალის სარაგბო სტადიონზე" თბილისური გუნდების, "ლოკომოტივისა" და "ლელოს" დაპირისპირება ტურის ცენტრალური მატჩი იყო. "ლელომ", რომელსაც ეროვნულ და ახალგაზრდულ ნაკრებში მივლენილი წამყვანი მორაგბეები აკლდა, მეტოქეს დიდი წინააღმდეგობა მხოლოდ პირველ ტაიმში გაუწია, რომელიც მინიმალური სხვაობით 14:15 დათმო.

შესვენების შემდეგ, რკინიგზელებმა იმძლავრეს და ერთი საპრემიო ქულაც მიითვალეს. ამ მარცხის მერე, "ლელო" დაწინაურებულ დუეტს უკვე საგრძნობლად ჩამორჩება.

აია-ბათუმი 39:17
აია: 5 ლ - ძნელაძე (3), ჯინჭარაძე, ირემაძე. 4 გ, 2 ს - ლომიძე.
ბათუმი: 2 ლ - გოგიტიძე, მიქაძე. 2 გ - კირინი, ქოიავა. ს - კირინი.
სინბინი: ქოიავა, კირინი

გათამაშების ლიდერმა ქუთაისის "აიამ" ევროპამოვლილ ბათუმს უმასპინძლა. დაძაბული ბრძოლა ამ მატჩშიც პირველ ტაიმში შედგა. მასპინძლებმა მხოლოდ ერთი გარდასახული ლელოსა და საჯარიმოს გატანა მოახერხეს.

თუმცა, მეორე ტაიმში მეტოქის გატეხა მაინც შეძლეს, რაშიც ლომის წილი "აიას" უკანახაზელ ზურაბ ძნელაძეს მიუძღვის, რომელმაც მეტოქეს სამი ლელო გაუტანა.

აკადემია-ხარები 23:25

აკადემია: 2 ლ - ჭუაძე, სვიმონიშვილი. 3 ს,2 გ - მოძღვრიშვილი.
სინბინი: გოგლიძე, ხელაია.
ხარები: 4 ლ - ნათელაშვილი, თაბუკაშვილი, ქვლივიძე, ქავთარაძე. ს - ხუციშვილი. გ - ბუჯიაშვილი

მატჩი დრამატული გამოდგა - თამაშის დასრულებამდე რვა წუთით ადრე "აკადემია" 20:8 იგებდა. სტუმრებმა ბოლო რვაწუთიან მონაკვეთში ორი ლელოსა და ერთი საჯარიმოს გატანა მოახერხეს.

ბაგრატი-არმაზი 7:16

ბაგრატი: ლ - საკანდელიძე. გ - გოშაძე.
სინბინი: მეგენეიშვილი
არმაზი: 2 ლ - ბარბაქაძე, ლიპარტელიანი. 2 ს - ფრუიძე.

ამ გამარჯვებით არმაზელები საპლეიოფო ექვსეულს მჭიდროდ მიუახლოვდნენ და იქ მოსახვედრად რეალურ შანსს ინარჩუნებენ.

არმია-ჯიქი 15:50

არმია: 2 ლ - ხარშილაძე, გოგლიძე. ს, გ - მახარაშვილი.
სინბინი: ხარშილაძე, ქარუხნიშვილი
ჯიქი: 8 ლ - ჭყოიძე, სუხაშვილი, დევსურაშვილი, კიკნაძე, მჭედლიშვილი, ალანია, ეფრემიძე, შენგელია. 5 გ - ბროძელი (3), კიკნაძე (2).
სინბინი: ფსუტური.

ქვეყნის მოქმედმა ჩემპიონმა მე-13 ტურში ყველაზე მეტი ლელო გაიტანა. გორის "ჯიქმა" "არმიასთან" რვა ლელო მიითვალა და დამაჯერებლად გაიმარჯვა. შედეგად, გორელთა გუნდმა სატურნირო ცხრილში "ლელოს" გაასწრო და დაწინაურებულ დუეტს კვალში ჩაუდგა.

თ მ ფ წ ბ ქ(პ)
1. აია 13 12 0 1 +189 52(4)
2. ლოკომოტივი 13 11 0 2 +140 51(7)
3. ჯიქი 13 8 1 4 +130 43(9)
4. ლელო 13 9 0 4 +86 41(5)
5. ბათუმი 13 7 1 5 +87 37(7)
6. ხარები 13 6 1 6 -55 28(2)
7. არმაზი 13 4 1 8 -71 23(5)
8. აკადემია 13 3 0 10 -10 21(9)
9. არმია 13 2 0 11 -196 10(2)
10. ბაგრატი 13 1 0 12 -296 5(1)

XIV ტური

23 თებერვალი
ბათუმი-ლოკომოტივი

24 თებერვალი
ლელო-აკადემია
ხარები-ბაგრატი

25 თებერვალი
არმაზი-არმია
ჯიქი-აია

ყოველდღიური სპორტული გაზეთი "ლელო"
460
მკითხველის კომენტარები / 0 /
მსგავსი ამბები
რუბრიკის სხვა სიახლეები