დიეგო და ალი

არგენტინელი ლეგენდის დიეგო მარადონას ფანმა, რომელსაც ალი ჰქვია, თავის კერპთან შეხვედრის სურვილი გამოთქვა. მარადონამ ფეხების გარეშე დაბადებული ბიჭი კლუბ "ელ-ფუჯაირის" საწვრთნელ ბაზაზე მიიწვია, სადაც მწვრთნელად მუშაობს.

თავის "ინსტაგრამზე" დიეგომ შთაბეჭდილებების შესახებ დაწერა.

"ცოტა ვითამაშე ჩემს მეგობარ ალისთან ერთად, რომელიც "ელ-ფუჯაირში" ვარჯიშზე მეწვია. მადლობა თვითსრულყოფის ამ მაგალითის გამო, რომელიც შენ ყველას გვიჩვენე! შენი მეგობარი, დიეგო", - დაწერა მარადონამ.

ლეგენდარულმა ფეხბურთელმა ბიჭი მეკარედ გამოსცადა და მას საკუთარი მაისურიც აჩუქა, რითიც ალის დიდი ხნის ოცნება აასრულა.

ყოველდღიური სპორტული გაზეთი "ლელო"
321
მკითხველის კომენტარები / 0 /
მსგავსი ამბები
რუბრიკის სხვა სიახლეები