დიეგო მარადონა 'დინამოს' პრეზიდენტია

ბევრი გასაოცარი ამბავი მომხდარა, მაგრამ ეს მათ შორის ერთ-ერთი გამორჩეული იქნება - დიეგო არმანდო მარადონა ბრესტის "დინამოში" იმუშავებს?!

სიახლე ბელარუსის უმაღლესი საფეხბურთო ლიგის კლუბის ოფიციალური განცხადებიდან გახდა ცნობილი. ფეხბურთის მეფედ მონათლული ლეგენდარული მოთამაშე და არგენტინის ეროვნული ნაკრების ყოფილი მწვრთნელი ამ დაბალი დონის კლუბის პრეზიდენტობას დათანხმდა.

მარადონამ "დინამოში" მუშაობის შესახებ ინფორმაცია ინსტაგრამზე თავად დაადასტურა: "მე ხელი მოვაწერე კონტრაქტს და ბრესტის "დინამოს" პრეზიდენტი გავხდი. დიდი მადლობა ნდობისთვის".

"დინამოს" პრეს-სამსახურის ცნობით, მარადონამ 3-წლიანი კონტრაქტი გააფორმა და კლუბის დირექტორატს უხელმძღვანელებს. არგენტინელი კლუბის სტრატეგიულ და სტრუქტურულ განვითარებაზე იზრუნებს, მათ შორის, ბავშვთა აკადემიაზეც, მოვალეობის შესრულებას კი 2018 წლის მსოფლიო ჩემპიონატის დასრულების შემდეგ შეუდგება.

მანამდე ვრცელდებოდა ინფორმაცია, რომ მარადონა "დინამოს" მთავარი მწვრთნელი ან სპორტის დირექტორი გახდებოდა.

1003
მკითხველის კომენტარები / 0 /
მსგავსი ამბები
რუბრიკის სხვა სიახლეები