დიეგო მარადონა: მესიმ ერთი მაგრად უნდა შეგვაგინოს და ნაკრებში აღარ დაბრუნდეს!..

დიეგო მარადონამ კომენტარი გააკეთა არგენტინის ნაკრებში ლიონელ მესის ყოფნა-არყოფნის თაობაზე. ლეგენდარულმა ფეხბურთელმა, ვინც ახლა მექსიკის ქვედალიგოსან "დორადოსს" ავარჯიშებს, განაცხადა, რომ მესიმ "ალბისელესტეში" აღარ უნდა ითამაშოს

"რა შემიძლია ვუთხრა მესის? ის, რომ აღარ დაბრუნდეს ნაკრებში. არგენტინის 15-წლამდელთა ნაკრები რომ აგებს, ესეც მას ბრალდება. ღირსები ვართ, ყველას ერთი მაგრად შეგვაგინოს და საბოლოოდ წავიდეს. ვნახოთ, როგორი ბიჭები არიან ესენი მესის გარეშე, რისი თავი აქვთ"...

"კატასტროფაა, რომ არც ჩემთვის და, საერთოდ, არც არგენტინელი ხალხისთვის, ნაკრები უკვე აღარაფერს ნიშნავს. ხალხმა დაკარგა ეროვნული გუნდის მიმართ ნდობაც და ვნებაც"...

ბოლოს მარადონას ნაკრების დღევანდელ თავკაც ლიონელ სკანლონიზეც ჰკითხეს. მოგეხსენებათ, მესი არ არის სკალონის ბოლო სიაში, რაც მწვრთნელმა სწორედ მესისთან შეთანხმებით ახსნა:

"ის (სკალონი) ნამდვილი იდიოტია. როგორც შეიძლებოდა, არგენტინის ნაკრების მისთვის ჩაბარება?! წლების განმავლობაში, ამ გუნდის ღირსებისთვის ხალხმა თავები და კბილები დაილეწა. ადამიანურად, სკალონის არაფერს ვერჩი, წავიდეს და მოამზადოს ბარბეკიუ, მაგრამ ნაკრების მწვრთნელობა? არა, ეს არ არის მისი საქმე".

ყოველდღიური სპორტული გაზეთი "ლელო"
2054
მკითხველის კომენტარები / 2 /
ლადო
3
ამან ხო წაიღო ტვინი თავისი დარიგებებით. ნაკრები რომ ჩააბარეს თვითონ ყველაფერი აურია. ახლა ერთი რიგითი ტაკიმასხარაა. უდიდესი ფეხბურთელი იყო და როგორ იმასხარავებს თავს. ღირსება საერთოდ არ ქონია.
durati
0
მესის ვერაფერი გავიგე ან რატო მიდის ნაკრებიდან ან კიდე რატო ბრუნდება.... თუ სიარული ევასება წინდა უკანნ?
მსგავსი ამბები
რუბრიკის სხვა სიახლეები
;