დიეგო მარადონა: ჩემთვის მოურინიო გვარდიოლაზე მაღლა დგას

ლეგენდარულ დიეგო მარადონას "ტელეგრაფის" ჟურნალისტებმა აზრი ჰკითხეს ჟოზე მოურინიოსა და პეპ გვარდიოლაზე - რომელ მათგანს აყენებს ის უფრო წინ, რომელს რა კომპონენტში აქვს უპირატესობა და ასე შემდეგ. საინტერესოა მარადონას პასუხი:

"ჩემთვის მოურინიო უფრო მაღლა დგას, ვიდრე გვარდიოლა. ჟოზემ თავად შექმნა საკუთარი თავი, გვარდიოლას კი ძალიან დიდი სკოლა აქვს გავლილი იოჰან კრუიფის ხელმძღვანელობით. რა თქმა უნდა, მე არ ვაკნინებ პეპის ნიჭს, მაგრამ ფაქტია, "ტიკი-ტაკა" მას არ შეუქმნია, ესეც კრუიფის საფეხბურთო ფილოსოფიის ნაწილია. გვარდიოლას უპირატესობა აქვს იმ მხრივ, რომ ვისაც მოისურვებს, იმ ფეხბურთელს მიუყვანენ გუნდში, მოურინიოს კი ამის ფუფუნება არ აქვს, არსებული კონტინგენტით უნდა გავიდეს ფონს. მოურინიოს გარკვეულ საკითხებში აუცილებლად ვკითხავ რჩევას, როცა ვნახავ", - თქვა მარადონამ. 

ყოველდღიური სპორტული გაზეთი "ლელო"
781
მკითხველის კომენტარები / 0 /
მსგავსი ამბები
რუბრიკის სხვა სიახლეები
;