დილას თეიმურაზ მარკოზაშვილიც გააძლიერებს

  • მარცხნივ თეიმურაზ მარკოზაშვილი

25 წლის ნახევარმცველი თეიმურაზ მარკოზაშვილი გორის "დილას" ღირსებას დაიცავს. საქართველოს სხვადასხვა ასაკობრივი ნაკრების ყოფილი ფეხბურთელის დამატება ქართლელებს, წესით, ძალიან უნდა წაადგეთ.

მარკოზაშვილს სხვადასხვა დროს უთამაშია მარტვილის "მერანში", ქუთაისის "ტორპედოში", "ცხინვალში", "სამტრედიასა" და "ჩიხურაში". სადაც თამაშობდა, პრაქტიკულად ყველა გუნდისთვის მნიშვნელოვანი ფეხბურთელი იყო და, ალბათ, ასე იქნება "დილაშიც".

გორელებმა ბოლო პერიოდში არაერთი გამოცდილი და კვალიფიციური მოთამაშე დაიმატეს - რევაზ ჩიტეიშვილი, თორნიკე გორგიაშვილი, დავით მაისაშვილი... მთავარ მწვრთნელად დარჩა გიორგი ნემსაძე, ვის ხელშიც გუნდს გასულ სეზონში პროგრესი დაეტყო და გორში იმედი აქვთ, რომ წინსვლა ამ ჩემპიონატშიც გაგრძელდება.

597
მკითხველის კომენტარები / 0 /
მსგავსი ამბები
რუბრიკის სხვა სიახლეები
;