'დინამომ' თურქეთი დაგეგმა და 'თელავს' დაუზავდა,- ფრან კაბრიას პირველი ქართული გოლი

თბილისის „დინამო“ ზამთრის შეკრებას ანტალიაში 24 იანვრიდან დაიწყებს. საწვრთნელი შეკრების განმავლობაში, რომელიც ერთ თვეს გასტანს, საქართველოს ყველაზე ტიტულოვანი კლუბი 7 სპარინგს გამართავს.

28 იანვარს „დინამო“ პლოვდივის (ბულგარეთი) „ლოკომოტივს“ შეხვდება, 1 თებერვალს ზაურ სვანაძის გუნდს მეტოქეობას სერბული „სპარტაკ სუბოტიცა“ გაუწევს, 5 თებერვალს -ბოსნიური „შიროკი ბრიეგი“, 11 თებერვალს სლოვენიურ „მარიბორთან“ მოსინჯავენ ძალებს, 15 თებერვალს - ლატვიურ „ლიეპაიასთან“, 19-ში დინამოელები ლუგანსკის (უკრაინა) „ზორიას“ ეთამაშებიან, დასკვნითი მატჩი 23 თებერვალს, ბრესტის (ბელარუსი) „დინამოსთან“ ჩატარდება.

თურქეთში გამგზავრებამდე თბილისელებმა დიღმის ბაზაზე სპარინგ-მატჩი გამართეს „თელავთან“ და 1:1 ითამაშეს. ანგარიში მეორე ტაიმის დებიუტში დინამოს ესპანელმა ახალწვეულმა ფრან კაბრიამ გახსნა, რასაც ცოტა ხანში სტუმართა გოლიც მოჰყვა - თავი ლაშა კუკუჯანაშვილმა გამოიჩინა. საბოლოოდ, სათამაშო უპირატესობის მიუხედავად (დინამოელებმა რამდენჯერმე ხარიხაც შეაზანზარეს) ანგარიში აღარ შეცვლილა - 1:1.

ყოველდღიური სპორტული გაზეთი "ლელო"
723
მკითხველის კომენტარები / 0 /
მსგავსი ამბები
რუბრიკის სხვა სიახლეები
;