დინამომ ნეფტეხიმიკს აჯობა

გუშინ თბილისის "დინამომ" მეორე თურქული შეკრების პირველი ამხანაგური მატჩი გამართა, რომელშიც რუსეთის "ნეფტეხიმიკს" დაუპირისპირდა და 1:0 დაამარცხას მეტოქე. შეხვედრამ მთლიანად კახი კაჭარავას გუნდის უპირატესობით ჩაიარა და შეიძლება ითქვას, რომ ანგარიში უფრო სოლიდურიც უნდა ყოფილიყო.

მატჩის დებიუტში აკაკი შულაია და ბუდუ ზივზივაძე სახიფათო პოზიციებიდან უტევდნენ მეტოქის კარს, თუმცა მათ თავურებს სიძლიერე დააკლდათ. თამაშს ოთარ კიტეიშვილი და ლაშა თოთაძეც ამწვავებდნენ, მაგრამ უშედეგოდ.

მატჩის მეორე ნახევარი თბილისელებმა ისევ შეტევებით განაახლეს და 56- ე წუთზე ბუდუ ზივზივაძის აქტიურობას მეტოქის კარში დანიშნული თერთმეტმეტრიანი მოჰყვა. პენალტი ზუსტად ოთარ კიტეიშვილმა შეასრულა და როგორც შემდეგში აღმოჩნდა მატჩის საბოლოო ანგარიშიც დააფიქსირა.

თბილისელებმა დარჩენილ დროში დიდი ტერიტორიული უპირატესობა მოიპოვეს და არაერთი კუთხურიც მოაწოდეს, მაგრამ ყველა უშედეგოდ. მატჩის ბოლოსკენ სერგი პეტკოს ძლიერად გასროლილი მეტოქის კარის ხარიხამ მოიგერია და შეხვედრაც დასრულდა.

რაც შეეხება "დინამოს" შემადგენლობაში შეცვლაზე შესულ უცნობ ფეხბურთელს, გვარზე "ბოგუნოვი" ინტერნეტში მხოლოდ იაროსლავ ბოგუნოვი იძებნება. 24 წლის ფორვარდი უკრაინელია. სხვადასხვა დროს უთამაშია უკრაინასა და ბელარუსში. ირჯებოდა ხარკოვის"მეტალისტში", "ბელშინაში", "ნაფტანსა" და "კრუმკაჩიში".

დინამო-ნეფტეხიმიკი 1:0
გოლი: 1:0 კიტეიშვილი (პენ) 56"

დინამო: ბულისკერია (გოშაძე, 46), თოთაძე, ლუცევიჩი, რუხაია (პეტკო, 46), კობოური (ხარაბაძე, 76), ქარდავა, ივანისენია (კუცია, 76), შულაია, კიტეიშვილი, ივანიშვილი (ბოგუნოვი, 76), ზივზივაძე (ერგემლიძე 76)

ნეფტეხიმიკი: მალაშენკო, კომისოვი, კიბარდინი, მოროზოვი, კამენშჩიკოვი, კუზნეცოვი, კანაევი, პოტაპოვი, შადრინი, გილიაზეტდინოვი, ბოჩკოვი.

ყოველდღიური სპორტული გაზეთი "ლელო"
1460
მკითხველის კომენტარები / 0 /
მსგავსი ამბები
რუბრიკის სხვა სიახლეები
;