დინამომ ფიბა-ევროპის თასი ისტანბულთან მატჩით დაასრულა

თბილისის "დინამომ" ფიბა-ევროპის თასზე მე-6 ტურის შეხვედრა გამართა. მისი მეტოქე "ისტანბული" იყო, რომელმაც საბოლოოდ დამაჯერებელი ანგარიშით 97:70 გაიმარჯვა.

პირველი მეოთხედი თანაბარ ბრძოლაში წარიმართა, კარგი დაცვის წყალობით დინამოელები მეორე ათწუთეულის დასაწყისშიც არაფერს უთმობდნენ მეტოქეს, თუმცა მას მერე, რაც ლევან ფაცაციამ სამქულიანი ჩააგდო და ანგარიში გაათანაბრა (32:32) "ისტანბულის" კალათბურთელებმა 13:2 გაქცევა მოაწყვეს, კომფორტული უპირატესობა დაიბევეს და საბოლოოდ რა ანგარიშითაც გაიმარჯვეს, უკვე მოგახსენეთ.

ქათველთა სნაიპერი 18 ქულით ნიკოლა გაჩეშა გახდა, რომელმაც 18 ქულა ჩააგდო, 13 ქულა ჰქონდა კაელ ტურპინს, 11 - ახალგაზრდა ლევან გრძელიძეს...

მატჩის ყველაზე სასარგებლო კალათბურთელი "ისტანბულის" ხორვატი წინახაზელი ივან ბუვა გახლდათ, რომელმაც ორმაგი დუბლი შეასრულა - 22 ქულა, 10 მოხსნა, 5 პასი.

ეს გახლდათ "დინამოს" ბოლო მატჩი ფიბა-ევროპის თასზე, ჩვენი გუნდი ჯგუფიდან ვერ გავიდა.

1238
მკითხველის კომენტარები / 0 /
მსგავსი ამბები
რუბრიკის სხვა სიახლეები
;