'დინამოსა' და 'დელტას' პირველი ნაბიჯი 1/2 ფინალისკენ

თსუ ჰიუნდაი-დინამო 78:83
32:25, 23:17, 14:21, 9:22
თსუ ჰიუნდაი: პოზლი (11ქ, 6მ, 6პ), სანაძე (2ქ, 4პ), კორსანტია (8ქ, 6მ), ფევაძე (14ქ, 7მ), მილიკენი (18ქ, 4პ), პეტრიჩი (21ქ), კ. ტომარაძე (4ქ).
დინამო: დოუელი (25ქ, 8პ), ჟღენტი (2ქ), გრძელიძე, ბუბალო (26ქ, 14მ, 4პ), ბოქოლიშვილი (5ქ, 5მ), მირზიაშვილი (2ქ), ჭოჭუა (7მ), სვოპშირი (19ქ), თავაქარაშვილი (6ქ).

სუპერლიგის პლეი ოფი "თსუ-ჰიუნდაისა" და "დინამოს" მატჩით გაიხსნა. ერთმანეთს რეგულარულ ჩემპიონატში მე-4 და მე-5 ადგილებზე გასული გუნდები შეხვდნენ და თამაშიც საკმაოდ დაძაბული გამოდგა.

პირველი პერიოდი თსუ-ჰიუნდაელებმა 32:25 მოიგეს, მეორეში კი უპირატესობა კიდევ უფრო გაზარდეს და დიდ შესვენებაზე ხელჩასაჭიდი უპირატესობით გავიდნენ – 55:42.

მესამე პერიოდი დინამოელთა შტურმით დაიწყო, რომლის განმავლობაშიც ირაკლი ხოშტარიას გაწვრთნილმა გუნდმა 13:0 გაქცევა მოაწყო და ანგარიში გაათანაბრა – 55:55. ამის შემდეგ "თსუ-ჰიუნდაი" ისევ გალიდერდა, თუმცა დიდი სხვაობით წინ გაჭრას ვერ ახერხებდა. ბოლო პერიოდში კი თანაბარი ბრძოლა გაჩაღდა. დასკვნით წუთებზე უფრო ზუსტად დინამოელებმა ითამაშეს, რომლებმაც შეხვედრის ბედი სათავისოდ გადაწყვიტეს – 85:78.

გამარჯვებულებს 26 ქულითა და 14 მოხსნით დემოგოი ბუბალომ ულიდერა. 25 მოხსნა და 8 პასი მიითვალა რეჯერ დოუელმა, 19 ქულა კი ჯორდან სვოპშირის ანგარიშზეა. "თსუ-ჰიუნდაიში" 21 ქულა ჰქონდა რატკო პეტრიჩს. 18 ქულა ჯეიმს მილიკენის ანგარიშზეა.

ამ გუნდებს შორის მეოთხედფინალური სერიის მეორე მატჩი 2 მაისს, 16:00 საათზე გაიმართბა. სერია სამ მოგებამდეა.

დელტა-ოლიმპი 69:60
18:10, 20:19, 12:16, 19:15
დელტა: ფხაკაძე (9ქ, 4პ), მეგენეიშვილი, ბაქრაძე (12ქ, 7მ), ანთაძე, მაჩალაძე (5ქ), ნოთიჯი (2ქ, 8მ, 7პ), დრამრაითი (15ქ, 5მ), ლობჟანიძე (7ქ, 12მ), ბექაურ (9ქ, 5მ), შვეცი (10ქ, 6მ).
ოლიმპი: მაზიაშვილი (2ქ), როგავა (17ქ), ბენეტი (9ქ), დარბაიძე (5ქ, 7მ), ბეიკერი (5ქ), ოგდენი (10ქ, 13მ, 3პ, 4ჩ), ტილმანი (4ქ), გიორგაძე (3ქ).

აშკარა იყო - მეოთხედფინალის პირველ მატჩს გაცილებით მობილიზებული "დელტა" შეხვდა. შესაძლოა, შეხვედრის ხასიათზე დიდი გავლენა საწყისმა წუთებმა იქონია, როცა "დელტას" დაცვაში ყველაფერი კარგად გამოსდიოდა. ასეთ დროს შეტევაც იხსნება და ამიტომ იყო, საწყისი 10 წუთი ლექსო ლაფანაშვილის შეგირდებმა 18:10 რომ მოიგეს.

კარგი დასაწყისი კი საქმის ნახევარი აღმოჩნდა - დელტელები დიდ შესვენებაზე 9-ქულიანი უპირატესობით გავიდნენ (38:29). არც მეორე ნახევარში მოუშვიათ დაცვითი მარწუხები და დამსახურებული გამარჯვება მოიპოვეს - 69:60.

"დელტას" უპირატესობა განსაკუთრებით ფარქვეშ იგრძნობოდა - "ოლიმპს" მოხსნებშიც საგრძნობლად აჯობა (54:37) და სამწამიანი ზონიდან მოგროვილ ქულებშიც (34:16).

სერიის მეორე მატჩი 2 მაისს 18 საათზეა დანიშნული.

ყოველდღიური სპორტული გაზეთი "ლელო"
335
მკითხველის კომენტარები / 0 /
მსგავსი ამბები
რუბრიკის სხვა სიახლეები
;