დინამოს სატრანსფერო სია: ზივზივაძე, ქავთარაძე და ქიმაძე ტორპედოდან, პლუს მიქელთაძე...

სულ მალე თბილისის "დინამო" სხვა ქართულ კლუბებთან ერთად ევროპალიგის გათამაშებაში ჩაერთვება. რა თქმა უნდა, ქართული ფეხბურთის ფლაგმანი მოახლოებული ევროთასების წინ შემადგენლობის გაძლიერებას აპირებს.

მით უმეტეს, "დინამოს" პირველ ეტაპზე გაუმართლა და ორი აზრი არ არის იმაზე, რომ გინდ სან მარინოს და გინდ ანდორული ბარიერის გადალახვა უნდა მოახერხოს. ამის შემდეგ კი აზერბაიჯანული "გაბალაა", რომელთანაც "დინამოს" ძველი ანგარიშები აქვს (2015 წელს სწორედ "გაბალამ" გამოთიშა ევროპალიგიდან) და რომელიც ნამდვილად არაა გადაულახავი ბარიერი.

რა თქმა უნდა, კლუბში ჯერ კომენტარს არ აკეთებენ სავარაუდო ტრანსფერებთან დაკავშირებით. ჩვენი ინფორმაციით, "დინამოს" რამდენიმე ფეხბურთელის დამატება სურს. გიორგი ქიმაძე და ნოდარ ქავთარაძე ამ დროისთვის ჯერ კიდევ ქუთაისის "ტორპედოს" ფეხბურთელები არიან.

ბექა მიქელთაძემ, რომელიც "დინამოს" ყოფილი შემტევია, ახლახან დატოვა კვიპროსული "ანორთოსისი" და ჯერაც ახალი გუნდის ძიებაშია. გავიგეთ ისიც, რომ ინტერესი არსებობს ბუდუ ზივზივაძის მიმართაც, თუმცა 25 წლის ფორვარდს უცხოეთში კარიერის გაგრძელების ვარიანტებიც აქვს.

"დინამოს" ინტერესის არეალი ამით არ შემოიფარგლება. მაგალითად, გუნდს სჭირდება გამტანი ფორვარდი. ამ დროისთვის ცენტრალური თავდამსხმელის პოზიციაზე ლევან კუტალია თამაშობს, რომელიც ამპლუით ცენტრფორვარდი არ არის, და მეორეც - მას კონკურენტი სჭირდება.

"დინამოს" აუცილებლად სჭირდება მეკარის დამატება. ესპანელი ხოსე პერალესი კარგ ფორმაშია, მაგრამ ისიც კონკურენტის გარეშე დარჩა მას შემდეგ, რაც სტეპან სიკაჩმა ტრავმა მიიღო.

2048
მკითხველის კომენტარები / 0 /
მსგავსი ამბები
რუბრიკის სხვა სიახლეები
;