დინამოში კამერუნელ-ბელარუსი ისინჯება

თბილისის "დინამოს" შემადგენლობაში მეტად საინტერესო ფეხბურთელი ისინჯება. 26 წლის დმიტრი ლუცევიჩს თამაში შეუძლია როგორც მცველის, ისე თავდამსხმელის პოზიციაზე. სხვადასხვა დროს ასპარეზობდა "მინსკის", მინსკის "დინამოს", "გომელის", "ბერიოზას", "ტორპედო ბელაზის" და ფერგანას "ნეფთჩის" შემადგენლობაში. ბოლოს ის ისევ "მინსკის" ღირსებას იცავდა.

უფრო მეტად საინტერესოა მისი წარმოშობა. ის ბელარუსი დედისა და კამერუნელი მამის შვილია. მისი მეორე გვარ – სახელია ვოგბა ტიენჩენი. ის 1991 წლის 19 აპრილს დაიბადა კამერუნულ დუალაში. ექვსი თვის იყო ის, როცა მამამისი გარდაიცვალა და დედამ კამერუნიდან ბელარუსში გადმოიყვანა საცხოვრებლად.

როგორც ირკვევა, ბელარუსში მას ბებია, ანასტასია ლუცევიჩი ზრდიდა. დედა უკან დაბრუნდა კამერუნში. 6 წლისა შევიდა ფეხბურთზე. 2013 წელს აიღო ახალი პასპორტი, სადაც მისი ახალი გვარ –სახელიც ფიგურირებდა. მოინათლა მართმადიდებლად.

930
მკითხველის კომენტარები / 0 /
მსგავსი ამბები
რუბრიკის სხვა სიახლეები