დინამო (ბთ) - საბურთალო 1:2 - ფრთხილად, მგელია! [VIDEO]

"სა­ბურ­თა­ლომ" ძა­ლი­ან მნიშ­ვ­ნე­ლო­ვა­ნი გას­ვ­ლი­თი შეხ­ვედ­რა მო­უ­გო ბა­თუ­მის "დი­ნა­მოს". გი­ორ­გი ჭი­აბ­რიშ­ვი­ლის გაწ­ვ­რ­თ­ნილ­მა გუნ­დ­მა ამ მო­გე­ბით ევ­რო­ტურ­ნი­რებ­ზე გას­ვ­ლის შან­სი შე­ი­ნარ­ჩუ­ნა. თუ ასე მოხ­და, კლუ­ბის­თ­ვის ეს იქ­ნე­ბა ის­ტო­რი­უ­ლი მიღ­წე­ვა და ვე­რა­ვინ იტყ­ვის, რომ თბი­ლი­სე­ლებ­მა ეს არ და­იმ­სა­ხუ­რეს.

"დი­ნა­მომ" გვა­რი­ა­ნად იბ­რძო­ლა იმის­თ­ვის, რომ პლეი ოფის­თ­ვის თა­ვის არი­დე­ბის თე­ო­რი­უ­ლი შან­სი მა­ინც შე­ე­ნარ­ჩუ­ნე­ბი­ნა, მაგ­რამ ამ საქ­მი­დან არა­ფე­რი გა­მო­ვი­და. აჭა­რულ კლუბს ახ­ლა თა­ვის გა­დარ­ჩე­ნა სწო­რედ საპ­ლე­ი­ო­ფო შეხ­ვედ­რებ­ში მო­უ­წევს.

...პირ­ველ ტა­იმ­ში ვე­რა­ვინ იფიქ­რებ­და, რომ სტუმ­რე­ბი ბა­თუ­მი­დან 3 ქუ­ლით ხელ­დამ­შ­ვე­ნე­ბუ­ლე­ბი დაბ­რუნ­დე­ბოდ­ნენ შინ. თა­მა­მად შე­იძ­ლე­ბა ით­ქ­ვას, რომ მატ­ჩის ამ მო­ნაკ­ვეთ­ში ბა­თუ­მე­ლებ­მა მიმ­დი­ნა­რე სე­ზონ­ში სა­უ­კე­თე­სო ფეხ­ბურ­თი ითა­მა­შეს და რამ­დე­ნი­მე სა­გო­ლე შან­ს­თან ერ­თად, გო­ლიც გა­ი­ტა­ნეს, რო­მე­ლიც ერ­თად უნ­და მი­ვა­წე­როთ ვა­ჟა ქო­რიძე­სა და ელ­გუ­ჯა გრი­გა­ლაშ­ვილს. იმ ეპი­ზოდ­ში ბა­თუ­მელ­თა გა­მოც­დილ­მა ნა­ხე­ვარ­მ­ც­ველ­მა თა­ვი და­იზღ­ვია და პარ­ტ­ნი­ო­რის დარ­ტყ­მულს ზედ კა­რის ხა­ზი­დან და­ა­მა­ტა, თო­რემ გო­ლი ისე­დაც გა­დი­ო­და...

ამის შემ­დე­გაც თა­მა­ში ბა­თუ­მელ­თა კარ­ნა­ხით მიმ­დი­ნა­რე­ობ­და, თუმ­ცა მათ და­წი­ნა­უ­რე­ბის რამ­დე­ნი­მე შან­სი ვერ გა­მო­ი­ყე­ნეს. პირ­ველ ტა­იმს კი მოჰ­ყ­ვა მე­ო­რე ნა­ხე­ვა­რი, რო­მე­ლიც მას­პინძ­ლებ­მა აშ­კა­რად ჩა­აგ­დეს. ფაქ­ტია, ამ დრო­ის­თ­ვის გუნ­დი ძა­ლი­ან არა­თა­ნაბ­რა­დაა მომ­ზა­დე­ბუ­ლი, თო­რემ ასე­თი ჩა­ვარ­დ­ნა ბა­თუ­მე­ლებს არ უნ­და ჰქონ­დეთ იმ შე­მად­გენ­ლო­ბის გათ­ვა­ლის­წი­ნე­ბით, რო­მე­ლიც უკ­ვე კარ­გა ხა­ნია ჰყავთ და სა­ქარ­თ­ვე­ლოს კვა­ლო­ბა­ზე ური­გო ნამ­დ­ვი­ლად არ არის.

მე­ო­რე ტა­იმ­ში "სა­ბურ­თა­ლო" გა­მო­ცოცხ­ლ­და და მო­ი­გო კი­დეც. ამ დროს, მას­პინძელ­თა მცვე­ლე­ბის თა­მა­ში ვე­რა­ნა­ირ კრი­ტი­კას ვერ უძ­ლებ­და. "სა­ბურ­თა­ლოს" ალ­ბა­ნე­ლი ლე­გი­ო­ნე­რი ნდუიე მუ­ი­ე­ცი საჭი­რო მო­მენ­ტ­ში საჭი­რო ად­გი­ლას აღ­მოჩ­ნ­და და ან­გა­რი­ში გა­ა­თა­ნაბ­რა.

გა­მარ­ჯ­ვე­ბა კი თბი­ლი­სე­ლებს და­ვით ვოლ­კოვ­მა მო­უ­ტა­ნა, ვინც სერ­ბე­თი­დან სა­ქარ­თ­ვე­ლო­ში დაბ­რუ­ნე­ბის შემ­დეგ "სა­ბურ­თა­ლოს" ერთ-ერთ ლი­დე­რად ჩა­მო­ყა­ლიბ­და. გი­ორ­გი ხა­რა­იშ­ვილ­მა ჯა­რი­მა კარ­გად კი შე­ას­რუ­ლა, მაგ­რამ ბა­თუ­მელ­თა მე­კა­რე რო­მან ტა­კიძეს უკეთ თა­მა­ში მარ­თებ­და.

მატჩის სტენოგრამა

3’ - გო­ლი! ბა­თუ­მელ­თა კუთხუ­რი ვა­კო თევ­დო­რაძემ მო­ა­წო­და. ვა­ჟა ქო­რიძემ ძლი­ე­რად დაჰ­კ­რა თა­ვი ბურთს, რო­მე­ლიც სა­ბურ­თა­ლო­ელ­თა კარ­ში მა­ინც გა­დი­ო­და, მაგ­რამ ელ­გუ­ჯა გრი­გა­ლაშ­ვილ­მა ყო­ვე­ლი შემ­თხ­ვე­ვის­თ­ვის და­ა­მა­ტა - 1:0.
17’ - ნი­კა მგე­ლაძის თა­ვუ­რის შემ­დეგ ლა­ზა­რე კუ­პა­ტაძემ ბურ­თი აკ­რო­ბა­ტულ ნახ­ტომ­ში მო­ი­გე­რია.
18’ - გრი­გა­ლაშ­ვი­ლის თა­ვუ­რი ოდ­ნავ ას­ც­და თბი­ლი­სელ­თა კარს.
25’ - გრი­გა­ლაშ­ვი­ლის დარ­ტყ­მას ად­გილ­ზე ხვდე­ბა მე­კა­რე კუ­პა­ტაძე.
40’ - ან­ზორ სუ­ხი­აშ­ვი­ლის შე­სა­ნიშ­ნა­ვი გა­და­ცე­მის შემ­დეგ იაროს­ლავ კვა­სოვ­მა ახ­ლო­დან ვერ გა­ი­ტა­ნა.
56’ - გო­ლი! ბა­თუ­მე­ლი მცვე­ლე­ბი უპა­ტი­ებ­ლად შეც­დ­ნენ და ალ­ბა­ნელ­მა შემ­ტევ­მა, ნდუიე მუ­ი­ე­ციმ, ან­გა­რი­ში გა­ა­თა­ნაბ­რა - 1:1.
60’ - გო­ლი! გი­ორ­გი ხა­რა­იშ­ვი­ლის "სტან­დარ­ტი". რო­მან ტა­კიძე გა­მოს­ვ­ლა­ზე შეც­და და და­ვით ვოლ­კოვ­მა გა­მარ­ჯ­ვე­ბი­სა გა­ი­ტა­ნა - 1:2.
63’ - ლა­შა შინ­და­გო­რიძე ინ­დი­ვი­დუ­ა­ლუ­რი ოს­ტა­ტო­ბის ხარ­ჯ­ზე ხელ­საყ­რელ სი­ტუ­ა­ცი­ა­ში აღ­მოჩ­ნ­და, მაგ­რამ ტა­კიძემ ამ­ჯე­რად კარ­გად ითა­მა­შა.

ეროვნული ლიგა.  XXXIV ტური
18.11. ბა­თუ­მი. რაგ­ბი არე­ნა
დინამო (ბთ) - საბურთალო 1:2
გოლები: 1:0 გრი­გა­ლაშ­ვი­ლი (3), 1:1 მუ­ი­ე­ცი (56), 1:2 ვოლ­კო­ვი (60)
დი­ნა­მო (4-5-1): ტა­კიძე - სუ­ხი­აშ­ვი­ლი, ქო­რიძე, მგე­ლაძე, ფარ­ტე­ნაძე - ვარ­შა­ნიძე, შო­ნია, თევ­დო­რაძე (74. მარ­ც­ვა­ლაძე), გრი­გა­ლაშ­ვი­ლი, ქავ­თა­რაძე (81. ფლა­მა­რი­ო­ნი) - კვა­სო­ვი
სა­თა­და­რი­გო­ე­ბი: შოვ­ნაძე, კვირ­კ­ვე­ლია, მა­ი­საია, ვე­კუა
მწვრთნე­ლი: ას­ლან ბა­ლაძე
სა­ბურ­თა­ლო (4-2-3-1): კუ­პა­ტაძე - იაშ­ვი­ლი, მარ­გ­ვე­ლაშ­ვი­ლი, თედ. გრი­გა­ლაშ­ვი­ლი, ჩაბ­რაძე - მა­მუ­ჩაშ­ვი­ლი (79. გვა­რაძე), თარ­ხ­ნიშ­ვი­ლი - შინ­და­გო­რიძე (83. იმ­ნაძე), ხა­რა­იშ­ვი­ლი, ვოლ­კო­ვი (63. ტე­რა) - მუ­ი­ე­ცი.
სა­თა­და­რი­გო­ე­ბი: გო­შაძე, ნა­და­რაია
მწვრთნე­ლი: გია ჭი­აბ­რიშ­ვი­ლი
გაფ­რ­თხი­ლე­ბა: თარ­ხ­ნიშ­ვი­ლი (29), იაშ­ვი­ლი (45), მარ­გ­ვე­ლაშ­ვი­ლი (89)
არ­ბიტ­რი: ბ. ნი­ნუა

დარჩენილი ტურები
22 ნოემბერი, ოთხშაბათი
დილა-შუქურა
ლოკომოტივი-სამტრედია
კოლხეთი-ჩიხურა
ტორპედო-დინამო (ბთ)
საბურთალო-დინამო (თბ)

26 ნოემბერი, კვირა
შუქურა-საბურთალო
დინამო (თბ)-ტორპედო
დინამო (ბთ)-კოლხეთი
ჩიხურა-ლოკომოტივი
სამტრედია-დილა

ბომბარდირი
ი. სიხარულიძე (ლოკომოტივი) 25

ყოველდღიური სპორტული გაზეთი "ლელო"
1171
მკითხველის კომენტარები / 0 /
მსგავსი ამბები
რუბრიკის სხვა სიახლეები
;