დინამო ესპანელ მეკარეს ელოდება, ფიზმომზადების მწვრთნელი თბილისშია

თბილისის "დინამოს" ფიზმომზადების მწვრთნელი ამიერიდან ესპანელი სპეციალისტი ფელის ვისენტე იქნება. მას სხვადასხვა დროს უმუშავია "ლეგანესში", "პარლაში", "ლევანტესა" და ჩინურ "დალიან იფანში".

რაც შეეხება მის წინამორბედ ვიტალი შპანიუკს, ის სამშობლოში დასაქმდება. ეს ინფორმაცია "დინამოს" ოფიციალურმა საიტმა გაავრცელა.

ჩვენი ინფორმაციით კი, საქართველოს ყველაზე ტიტულოვან კლუბს უახლოეს მომავალში შეუერთდება ესპანელი მეკარე, რომლის ვინაობაც, ჯერჯერობით, არ ხმაურდება.

ამასთან, უკვე თბილისშია გუნდის სამწვრთნელო შტაბის წევრი ჩისკო მუნიოსი - ახლო წარსულში თბილისის "დინამოს" ფორვარდი, ბომბარდირი და კაპიტანი:

"თბილისის "დინამო" ჩემს გულშია და აქ დაბრუნებით ბედნიერი ვარ", - ციტირებს ჩისკოს სიტყვებს "დინამოს" ოფიციალური ფეისბუქ-გვერდი.

1833
მკითხველის კომენტარები / 0 /
მსგავსი ამბები
რუბრიკის სხვა სიახლეები
;