'დინამო', 'რეალი', რონალდო და რონალდინიო,- ხვიჩა კვრაცხელია: ჯერჯერობით, ვმეგობრობ იმათთან, ვისთანაც საბა ურთიერთობს...

მოსკოვის “ლოკომოტივის” საიტმა გამოაქვეყნა ინტერვიუ გუნდის ქართველ ახალწვეულ ხვიჩა კვარაცხელიასთან. ვფიქრობთ, ეს ინტერვიუ ჩვენი გაზეთის მკითხველისთვისაც საინტერესო იქნება...

- თბილისში, ერთ ჩვეულებრივ ქართულ ოჯახში დავიბადე და გავიზარდე. დედა, მამა და ორი ძმა მყავს. მათ ფეხბურთი ძალიან უყვართ. მამაჩემი თვითონაც ყოფილი ფეხბურთელია და ამ სპორტს პატარაობიდანვე ვადევნებ თვალს. სულ დავდიოდით სტადიონზე. მუდამ ჯეროდა, რომ ფეხბურთელი გავხდებოდი.

- სად გადადგით პირველი ნაბიჯები ფეხბურთში?

- ჯერ ოლიმპიურ აკადემიაში ვიყავი, მერე - “ავაზაში”, ხოლო შემდეგ - თბილისის “დინამოში”. ეს ძალიან კარგი სკოლაა - იქ მათ მოკლე პასებით თამაში, სწრაფი გადაადგილება და გახსნა მასწავლეს. პროფესიულ ფეხბურთში დებიუტი სწორედ ამ კლუბში მქონდა. გასული სეზონი კი “რუსთავში” ვითამაშე.

- სანამ გუნდში მოხვიდოდით, რა იცოდით “ლოკომოტივის” შესახებ?

- ეს გუნდი რუსეთის ჩემპიონია. ეს შესანიშნავია! როცა “ლოკომოტივის” შემოთავაზების შესახებ გავიგე, ერთი წამითაც არ მიფიქრია. ითამაშო ასეთ კლუბში, ეს ოცნების ახდენაა.

- “ლოკომოტივში” ქართველები მუდამ თამაშობდნენ...

- ...და მათ სულ ჰქონდათ წარმატებები. ეს ბიჭებმა უკვე მითხრეს. ვიცი, რომ აქ ზაზა ჯანაშია და მალხაზ ასათიანი თამაშობდნენ. მათ საქართველოში ყველა იცნობს და პატივს სცემს.

- აქამდე თუ იცნობდით საბა კვირკველიას?

- პირველად აქ შევხვდი მას. საბა ენობრივი ბარიერის დაძლევაში მეხმარება. ბევრი რამ მესმის, მაგრამ ვერ ვლაპარაკობ. რუსულს ვისწავლი, გპირდებით! საბა რომ არ იყოს, ამის გაკეთება რთული იქნებოდა.

- ხვიჩა, შენ “ვიკინგთან” ითამაშე და გაიტანე. რა შეგიძლია ამაზე გვითხრა?

- მხოლოდ ის, რომ კარგი თამაში იყო. გამახარა იმან, რომ პარტნიორებს გავუგე.

- ყველაზა მეგობრული ფეხბურთელი ვინაა?

- ყველა! შედარებით ახლოს ვარ იმათთან, ვისთანაც საბა კვირკველია ურთიერთობს ხშირად - დიმა ბარინოვი, რიფატი, ტარასოვი...

- თუ იყავი აქამდე ნამყოფი მოსკოვში?

- არა, აქ ადრე არასოდეს ვყოფილვარ. მისი მასშტაბი შთამბეჭდავია. თავიდან ბაზაზე ვიცხოვრებ. შემდეგ კი მინდა, ჩემი მშობლებიც ჩამოვიდნენ და ყველაფერი

ვანახო. მათთვის ბინას ვიქირავებ. ვნახოთ, რა და როგორ იქნება.

- “ლოკომოტივში” მოსვლამდე ადევნებდი თვალს რუსეთის ჩემპიონატს?

- ხანდახან ვუყურებდი მატჩებს ლიდერების მონაწილეობით. აქ გადმოსვლამდე კი, რა თქმა უნდა, ბევრი რამ დეტალურად შევისწავლე. საინტერესო ჩემპიონატია, ბევრი ორთაბრძოლაა... ოღონდ, ეს არ ნიშნავს იმას, რომ შექმნისთვის დრო არავის რჩება.

- რომელი ჩემპიონატი, კლუბი და ფეხბურთელი გიყვარს?

- მიყვარს ესპანეთის ჩემპიონატი. რაც შეეხება კლუბებს, მადრიდის “რეალი” და თბილისის “დინამო” მიყვარს. საყვარელი ფეხბურთელი კრიშტიანო რონალდოა, ბავშვობის კუმირი კი - რონალდინიო.

ყოველდღიური სპორტული გაზეთი "ლელო"
958
მკითხველის კომენტარები / 0 /
მსგავსი ამბები
რუბრიკის სხვა სიახლეები
;