დინო ჰამზიჩი: აქ ძალიან ლამაზი დრო გავატარე და წინააღმდეგი არ ვიქნები, საქართველოში დავრჩე!..

საჩხერ "ჩიხურადან" წამოსული ბოსნიელი მეკარე დინო ჰამზიჩი არ მალავს, რომ მისით თბილისის "ლოკომოტივი" იყო დაინტერესებული. მაგრამ არ იცის, საბოლოოდ ამ გუნდში მოხვდება თუ არა. რატომ არის ასეთ გაურკვევლობაშ, ინტერვიუდან შეიტყობთ.

31 წლის ჰამზიჩი "ჩიხურაში" 2016 წლიდან თამაშობდა. ამ პერიოდში ის საქართველოს ვიცე-ჩემპიონი და დავით ყიფიანის სახელობის საქართველოს თასის მფლობელი გახდა. ახლა დინო გადაწყვეტილების მოლოდინშია. დიდ ალბათობით, გამოცდილი გოლკიპერი სამშობლოში დაბრუნდება.

"ლელო" მას დაუკავშირდა და ინტერვიუ ჩაწერა:

- მართალია, თითქოს თქვენით "ლოკომოტივი" დაინტერესდა?

- მე ვიცი, რომ  სოსო (ფრუიძე) "ჩიხურადან" კარგად მიცნობს და მენდობა. ის ჩემით დაინტერესებული იყო, როცა გუნდის მთავარი მწვრთნელი იყო, მაგრამ ახლა...

- ...მაგრამ ეს საკითხი ვერ გადაწყდა...

- სამწუხაროდ, ასეა... იყო ინტერესი და დაველოდები. თუ კონკრეტული შემოთავაზება არ იქნება, მაშინ ბოსნიაში წავალ. ფაქტია, არ დამკავშირებიან და არ ვიცი, ეს რამდენად რეალურია ვარიანტია.

- თქვენ ისევ საქართველოში ხართ?

- დიახ, ახლა თბილისში ვარ, რადგან ავიარეისები ძალიან შეზღუდულია. ჩემი აგენტები მუშაობენ, რომ მალე ახალი კლუბი მომიძებნონ. შესაძლოა, ისევ დავბრუნდე. აქ ძალიან ლამაზი დრო გავატარე და წინააღმდეგი არ ვიქნები, საქართველოში დავრჩე.

- ანუ "ლოკომოტივში" სოსო ფრუიძე გიწვევდათ, სხვა ხელმძღვანელები კი თავს იკვებდნენ? რადგან ფრუიძემ გუნდი დატოვა, ისე ხომ არ ჩანს, რომ ეს ვარიანტი აღარ გამოდის?

- ეს არ ვიცი. ერთ კვირას დაველოდები ზარს და თუ არ დამიკავშირდებიან, შინ დავბრუნდები. არანაირი პრობლემა არ არის, "ლოკომოტივს" წარმატებებს ვუსურვებ. იქნებ, ერთ დღესაც ისევ დავბრუნდე. ახლა კი ოჯახთან ერთად ყოფნა და დასვენება მსურს. აქვე, მინდა მადლობა გადავუხადო "ჩიხურას", რადგან იქ 4 წლის განმავლობაში ვითამაშე. ბოლოს ვითარება შეიცვალა, მაგრამ ეს გუნდი მაინც კარგად გამახსენდება.

- ახლა "ჩიურას" ძალიან უჭირს. თქვენი აზრით, მიმდინარე სეზონში გუნდი რომელ ადგილს დაიკავებს?

 - "ჩიხურას" ძალიან რთული სეზონი ელის. მაგრამ ძალიან დიდი იმედი მაქვს, გუნდი კარგად ითამაშებს და... ჩემი აზრით, სადღაც სატურნირო ცხრილის შუაში დაასრულებს ჩემპიონატს. მე ამ გუნდს ყოველთვის ვუგულშემატკივრებ!..

- თქვენი აზრით, რომელი გუნდი ეროვნული ლიგის ფავორიტი?

- რა თქმა უნდა, თბილისის "დინამო"! მის წარმატებაში დარწმუნებული ვარ.

- საერთოდ, როგორია თქვენი შთაბეჭდილებები ქართულ ფეხბურთზე? პირველ რიგში რა უნდა შეიცვალოს?

- კარგი ლიგაა. უბრალოდ, სამწუხარო ის არის, რომ თამაშებზე ბევრი გულშემატკივარი არ მოდის, უკეთესი იქნება, მეტი ქომაგი იყოს, ფეხბურთელებიც უფრო მეტი მონდომებითა და ენთუზიაზმით იბრძოლებდნენ და საერთო ფონიც ბევრად უკეთესი იქნებოდა. მეორე, რაც უკეთესის სურვილს მიტოვებს, ხელფასებია. ამიტომაც არის, რომ კლუბები კარგი მოთამაშეების ყიდვას ვერ ახერხებენ.

3511
მკითხველის კომენტარები / 1 /
კახა ქ.
0
ლოკოს არ აწყენდა ეს მეკარე.
მსგავსი ამბები
რუბრიკის სხვა სიახლეები
;